У сераду, 7 верасня 2022 года, адбылася сустрэча студэнтаў 1-га курса гр. 10903522 і 10903122 з участковым інспектарам па справах непаўналетніх Першамайскага раёна г. Мінска Ксеніі Генадзеўны Лахвіч. У ходзе прафілактычнай размовы студэнты былі папярэджаны аб недапушчальнасці ўчынення правапарушэнняў і злачынстваў, інфармаваны аб адказнасці за распіццё алкагольных напояў і знаходжанні ў грамадскім месцы ў стане алкагольнага ап'янення, а таксама атрымалі напамін аб наступствах лёгкага заробку. Дыскусія на гэту тэму набрала бурныя абароты, у аўдыторыі ўся ўвага была накіравана на выступоўца.
Як адзначыла Ксенія Генадзеўна, студэнты становяцца больш свядомымі. Важна, штоб яны разумелі: страшней не суровае пакаранне, а наступствы для свайго здароўя.
– Першакурснікі, асабліва якія прыехалі з малых гарадоў, хутчэй за іншых ідуць на хітрыкі злачынцаў. Закладчыкамі хлопцы звычайна працуюць нядоўга. Калі прывесці статыстычныя дадзеныя мінулых гадоў, магу з дакладнасцю сказаць, што тэрмін працы «мінёра» можа складаць ад некалькіх дзён да пары-тройкі месяцаў. Нават самыя настойлівыя так і не атрымліваюць запаветнага заробку. Ведайце, што закладчык – гэта гарматнае мяса для наркадылераў. Памятайце аб адказнасці. За незаконны абарот наркатычных сродкаў, псіхатропных рэчываў яна надыходзіць з 14 гадоў, – адзначыў лейтэнант міліцыі Ксенія Генадзеўна.
Інспектар звярнула ўвагу на адказнасць за незаконны абарот наркатычных рэчываў, іх набыццё, захоўванне, ўжыванне і распаўсюджванне.
Для даведкі: незаконны без мэты збыту выраб, перапрацоўка, захоўванне, перавозка ці перасылка наркатычных сродкаў, псіхатропных рэчываў альбо іх прэкурсораў ці аналагаў – усё гэта караецца абмежаваннем волі на тэрмін да 5 гадоў або пазбаўленнем волі на тэрмін ад 2 да 5 гадоў (артыкул 328 Крымінальнага кодэкса Рэспублікі Беларусь).
Акрамя таго, інспектар азнаёміла студэнтаў з артыкуламі Кодэкса аб адміністрацыйных правапарушэннях, якія датычацца распівання алкагольных напіткаў і курэння на тэрыторыі навучальнай установы. Для паляпшэння прафілактычнай работы і павышэння якасці засваення інфармацыі студэнтам быў прапанаваны дакументальны фільм «Наркатызацыя і аўтарытарызм».
Сустрэча прайшла ў форме ажыўлёнага дыялогу. Студэнты прыводзілі прыклады прыцягнення да адказнасці за злачынствы, звязаныя з незаконным абаротам наркотыкаў, сваіх сяброў і аднакласнікаў.
Уцешна адзначыць, што ў мэтах дасведчанасці моладзі аб небяспеках, звязаных з ужываннем курыцельных сумесяў, на інжынерна-педагагічным факультэце кожны месяц праходзяць падобныя сустрэчы з кіраўнікамі органаў унутраных спраў.
Студэнты інжынерна-педагагічнага факультэта выказваюць падзяку кіраўніцтву Беларускага нацыянальнага тэхнічнага ўніверсітэта за дапамогу ў арганізацыі мерапрыемства.
