Міжвузаўскі конкурс студэнцкіх фільмаў "Відэарадыус БНТУ" быў арганізаваны ў 2006 годзе. У 2016 годзе конкурс адзначыў свой 10-гадовы юбілей.
"Відэарадыус" - гэта не толькі спроба рэалізаваць свае творчыя амбіцыі і выказаць моладзевыя ідэі на мове кіно, а перш за ўсё школа, у якую можна прыйсці без камеры і штатыва, а на наступным этапе глядзець фільм уласнай вытворчасці на шырокім экране кінатэатра.
Конкурс праходзіць пры падтрымцы Міністэрства адукацыі Рэспублікі Беларусь і кінашколы-студыі А. Палупанава.
Для маладых рэжысёраў БНТУ і іншых устаноў вышэйшай адукацыі, якія жадаюць прыняць удзел у конкурсе, арганізуюцца майстар-класы па кінамастацтве (аператарскае, сцэнарнае мастацтва, мантаж, "фільмавытворчасць"), з мэтай удасканалення навыкаў удзельнікаў і павышэння ўзроўню прадстаўленых на конкурс відэафільмаў.
На конкурсным дні працуе прафесійнае журы, якое ўключае спецыялістаў у галіне кінамастацтва і кінавытворчасці.
На галоўны студэнцкі прыз года - бронзавую камеру на цыркуле-штатыве прэтэндуюць студэнты ўстаноў вышэйшай адукацыі з усёй Рэспублікі Беларусь.
Цырымонія ўручэння ўзнагарод удзельнікам і пераможцам конкурсу - гэта яркае відовішча, якое суправаджаецца творчымі нумарамі калектываў УДК і кіна-шоу ролікаў пераможцаў.
Усе ахвочыя могуць паглядзець фільмы-ўдзельнікі адкрытых паказаў конкурсу на сайце times.bntu.by.
