XIХ Міжвузаўскі конкурс студэнцкіх фільмаў “Відэарадыус БНТУ” аб'яднаў творчыя каманды і індывідуальных аўтараў з 14 устаноў вышэйшай адукацыі Рэспублікі Беларусь.
Штогод у склад журы конкурсу запрашаюцца вядомыя дзеячы ў галіне кінамастацтва. У 2025 годзе ў журы былі запрошаныя рэжысёр- пастаноўшчык, другі рэжысёр кінакампаніі "Кіно Цэх" Ганна Салаўёва-Карповіч, вядучы майстар сцэны, актрыса тэатра і кіно, заслужаная артыстка Рэспублікі Беларусь Ірына Нарбекава.
Старшынёй журы быў рэжысёр-пастаноўшчык, сцэнарыст, мантажор, лаўрэат міжнародных фестываляў, рэжысёр фільма "Класная" Кірыл Халецкі. Пасля мерапрыемства ўдзельнікі маюць магчымасць паразмаўляць з членамі журы, пачуць іх меркаванне аб сваім фільме. На конкурс сёлета было прадстаўлена больш за 80 фільмаў. Уладальнікам Гран-Пры конкурсу 2-гі год запар становіцца Беларуская дзяржаўная сельскагаспадарчая акадэмія г.Горкі.
Для інфармацыі: У 2024 годзе на развіццё і рэалізацыю конкурсу быў выдзелены Грант Прэзідэнта Рэспублікі Беларусь у галіне маладзёжнай палітыкі.