Вось ужо 45 гадоў фестываль з'яўляецца адной з самых яркіх падзей у культурным жыцці вядучай тэхнічнай ВНУ краіны, на якой таленты студэнтаў бліскаюць ва ўсёй сваёй разнастайнасці. Ён дае магчымасць ажыццявіць свае самыя крэатыўныя ідэі і самыя неверагодныя фантазіі.
«Вясна БНТУ» - гэта марафон разнажанравай творчасці:
- Свята інструментальнай музыкі,
- Свята песні,
- Свята СТЭМ (студэнцкіх тэатраў эстрадных мініяцюр),
- Свята танца.
Факультэты рыхтуюць творчыя нумары ў кожнай з намінацый. Кожны нумар - гэта сапраўдны шэдэўр, над якім працуе цэлая творчая група: дэкаратары, касцюмеры, грымёры, харэографы і інш., у якасці якіх выступаюць самі студэнты. І ўсё імкнуцца зрабіць свой выступ асаблівым, непадобным на астатнія. А напале страсцей, які пануе ў зале падчас конкурсу, пазайздросціць нават "Еўрабачанне".
Кожны творчы дзень працуе прафесійнае журы, якое ўключае спецыялістаў у галіне мастацтва: папулярныя харэографы-пастаноўшчыкі, дырыжоры, аранжыроўшчыкі, вядомыя артысты, вядучыя і прадзюсары маладзёжных праектаў і шоу-праграм. Традыцыйна ўзначальвае журы вядомы беларускі кампазітар Алег Елісеенкаў.
Па выніках усіх конкурсных дзён вызначаецца факультэт-уладальнік гран-пры фестывалю.
Гала-канцэрт і ўрачыстая цырымонія ўзнагароджання пераможцаў і намінантаў традыцыйна праходзіць у Палацы культуры МАЗ і ўключае самыя яркія нумары фестывальных дзён.
