Выстаўка-кірмаш праводзіцца 1 раз на два гады пры падтрымцы Міністэрства адукацыі Рэспублікі Беларусь і накіравана на падтрымку і развіццё педагагічнага вопыту і ініцыятыў у галіне культурна-адукацыйнай сферы; стварэнне інфармацыйнага банка метадычных ідэй; садзейнічанне развіццю творчага патэнцыялу работнікаў, звязаных з выхаваннем студэнцкай моладзі, якія забяспечваюць сацыяльна-педагагічную і культурна-выхаваўчую сферу адукацыі ў БНТУ.
Удзел у выставе-кірмашы прымаюць работнікі, выкладчыкі і студэнты БНТУ, якія прадстаўляюць розныя па жанры метадычныя матэрыялы і творчыя распрацоўкі ў шырокім тэматычным спектры, заявіўшы арыгінальную ідэю і магчымыя шляхі яе ўвасаблення ў практычнай рабоце.
Ацэньвае творчыя праекты экспертная рада, у склад якой уваходзяць прадстаўнікі Нацыянальнага інстытута адукацыі Рэспублікі Беларусь, Міністэрства адукацыі Рэспублікі Беларусь, спецыялісты ў галіне педагогікі і сацыялогіі.
Журы вызначае пераможцаў у наступных намінацыях:
- практыка-арыентаваныя навукова-метадычныя праекты;
- культурна-адукацыйныя праекты;
- сацыяльна-педагагічныя праекты;
- праекты ў сферы культурна-дасугавай дзейнасці .
