Літаратурна-паэтычны конкурс "Муза ў тэхнічным інтэр'еры" праходзіць у БНТУ з 2012 года. Удзельнікі конкурсу: студэнты, магістранты, аспіранты, работнікі БНТУ, - аўтары вершаў і песень, майстры слова і аматары літаратурнай творчасці.
Арганізатарамі конкурсу выступаюць упраўленне па справах культуры, кафедра "Гісторыя беларускай дзяржаўнасці", прафкам работнікаў і прафкам студэнтаў БНТУ.
На конкурс прадстаўляюцца літаратурныя работы ў 4-х жанрах (паэзія, проза, публіцыстыка, аўтарская песня) і ацэньваюцца па наступных намінацыях:
- чытальнік/выканаўца (выканаўца вакальнага або літаратурнага твора іншага аўтара з ліку ўдзельнікаў конкурсу) ;
- аўтар ( аўтар вакальнага або літаратурнага твора выкананага чытальнікам у рамках конкурснай праграмы або прадстаўленага толькі ў друкаваным выглядзе. );
- аўтар-выканаўца (выканаўца песень ці літаратурных твораў уласнага складання.).
Ацэньвае работы прафесійнае журы, у склад якога ўваходзяць вядомыя паэты, пісьменнікі і празаікі, Лаўрэаты шматлікіх літаратурных прэмій, члены Саюза пісьменнікаў Беларусі.
Старшыня журы - кандыдат тэхнічных навук, дацэнт кафедры "Інфармацыйна-вымяральная тэхніка і тэхналогіі" прыборабудаўнічага факультэта БНТУ, член Саюза пісьменнікаў Беларусі, Лаўрэат Рэспубліканскай літаратурнай прэміі "Залаты купідон", паэт, перакладчык, кіраўнік літаратурнага аб'яднання "Палістых" упраўлення па справах культуры БНТУ Андрэй Канстанцінавіч Цяўлоўскі .
