Урачыстая лінейка "Першакурснік БНТУ" ужо даўно заняла пазіцыю традыцыйнага культурна - масавага мерапрыемства, якое штогод удасканальвае форму правядзення, выкарыстоўваючы сучасныя інавацыйныя тэхналогіі. Гэта сапраўднае свята для першакурснікаў і выкладчыкаў універсітэта, якое мае важнае грамадзянска-патрыятычнае значэнне ў выхаванні моладзі і развіцці прэстыжу вышэйшай адукацыі.
Для першакурснікаў пачынаецца новы этап іх жыцця - этап студэнцтва, з якім іх віншуюць рэктар універсітэта і ганаровыя госці - дзеячы навукі і адукацыі, кіраўнікі буйных прадпрыемстваў і арганізацый Рэспублікі Беларусь.
Падчас урачыстага мерапрыемства студэнты знаёмяцца з дзейнасцю прафсаюзнага камітэта, органаў студэнцкага самакіравання і пярвічных арганізацый рэспубліканскіх грамадскіх аб'яднанняў, а таксама атрымліваюць інфармацыю аб рабоце спартыўных клубаў і секцый СТФ, творчых калектываў упраўлення па справах культуры.
Адной з традыцый лінейкі, якая мае важнае грамадзянска-патрыятычнае значэнне, з'яўляецца цырымонія ўскладання кветак да стэлы загінуўшым выкладчыкам і студэнтам БНТУ у гады ВАВ.
Яркія, масавыя мастацкія нумары калектываў УДК і студэнцкіх аб'яднанняў БНТУ з'яўляюцца аздабленнем свята, а падарункам першакурснікам штогод становіцца выступленне вядомых выканаўцаў - зорак беларускай эстрады.
