Рэспубліка Беларусь, 220013 г. Мінск, пр. Незалежнасці д.67, нав. корпус 18а, к. 432
+375 (17) 293-91-29
ecology@bntu.by
Кафедра з'яўляецца выпускаючай і ажыццяўляе падрыхтоўку інжынераў-эколагаў-мэнэджараў па спецыяльнасці "Экалагічны менеджмент і аўдыт у прамысловасці". Ізноў створаная Кафедра "Інжынерная экалогія" аб'яднала навучальныя, вучэбна-метадычныя і навуковыя распрацоўкі і напрамкі кафедр экалогіі і хіміі. Кафедра валодае сучаснай тэхнічнай і вучэбна-метадычнай базай, якая ўключае дзесяць навучальных і дзве навукова-даследчыя лабараторыі, аснашчаныя сучасным вучэбным абсталяваннем і камп'ютарны клас. Праграма навучання прадугледжвае вывучэнне як базісных інжынерных дысцыплін, так і сучасных інфармацыйных тэхналогій, метадаў вырашэння экалагічных і кіраўніцкіх задач, эканомікі і арганізацыі кіравання вытворчасцю, прыродакарыстання, метадаў мадэлявання экалагічных працэсаў, эканамічных, прававых і арганізацыйных аспектаў кіравання прыродаахоўнай дзейнасцю. Філіял кафедры створаны ў ДНУ "Інстытут прыродакарыстання НАН Беларусі". Філіял кафедры з'яўляецца структурным падраздзяленнем кафедры, якое ажыццяўляе вучэбную, метадычную і навукова-даследчую работу сярод студэнтаў, а таксама падрыхтоўку навукова-педагагічных кадраў і павышэнне іх кваліфікацыі.