Пагутарыць з кіраўніцтвам, выкладчыкамі і студэнтамі факультэта горнай справы і інжынернай экалогіі, кіраўніцтвам ААТ «Даламіт», прайсці інтэрактыўнае тэсціраванне і атрымаць кансультацыі па паступленні ў Беларускі нацыянальны тэхнічны ўніверсітэт атрымалі магчымасць навучэнцы гімназій і школ г.Віцебска. Дэкан ФДДІЭ Андрэй Андрэевіч Калагрыўка, генеральны дырэктар ААТ «Даламіт» Сяргей Мікалаевіч Саглаеў і яго намеснік па персанале і ідэалагічнай працы Алена Віктараўна Марчанка прадставілі магчымасці атрымання вышэйшай адукацыі ў галіне горнай справы і экалогіі на вытворчым прадпрыемстве. Творчая атмасфера аб'яднала навучэнцаў і студэнтаў факультэта і дазволіла чарговы раз расставіць акцэнты ў маючай адбыцца прыёмнай кампаніі.
На мерапрыемствах прысутнічалі навучэнцы старэйшых класаў, настаўнікі, завучы і дырэктары сярэдняй школы №15 г.Віцебска імя М.Я. Чуманіхінай, гімназіі №1 г.Віцебска імя Ж.І. Алфёрава, сярэдняй школы №31 г.Віцебска імя В.З. Харужай, сярэдняй школы №46 г.Віцебска імя І.Х. Баграмяна і сярэдняй школы №47 г.Віцебска імя Я.Ф. Іваноўскага.
Яскравым момантам сустрэч стала ўрачыстае прысвячэнне навучэнцаў гімназіі №1 г.Віцебска імя Ж.І.Алфёрава ў інжынерны клас прадстаўнікамі БНТУ.
Кіраўніцтва ААТ "Даламіт" азнаёміла работнікаў і студэнтаў факультэта горнай справы і інжынернай экалогіі з тэндэнцыямі мадэрнізацыі вытворчасці, развіццём работ на кар'еры "Гралёва". 
Жадаем будучым студэнтам поспехаў у выбары прафесіі і рэалізацыі сваіх мэт!
