220013 г. Мінск, прасп. Незалежнасці, 65, спартыўны комплекс №1 к. 28
+375 (17) 342-80-93
sport_stf@bntu.by
Кафедра спорту створана 1 лістапада 2010 года , у сувязі са стварэннем спартыўна-тэхнічнага факультэта. Гэта першая ў Беларусі кафедра, якая ажыццяўляе адукацыйны працэс па дысцыпліне "Фізічная культура" спартыўнага навучальнага аддзялення ва ўстановах вышэйшай адукацыі.
Кафедра ажыццяўляе падрыхтоўку і ўдзел студэнтаў-спартсменаў, магістрантаў і аспірантаў, якія маюць высокую спартыўную кваліфікацыю ў Рэспубліканскай універсіядзе, чэмпіянатах і Кубках Рэспублікі Беларусь, розных міжнародных спаборніцтвах. Забяспечвае работу 86 вучэбна-трэніровачных груп, з іх 39 зборныя каманды, па 29 відах спорту, на розных факультэтах навучаюцца - 2 майстры спорту міжнароднага класа, 29 майстроў спорту, 119 кандыдатаў у майстры спорту, больш за 262 спартсменаў маюць першы спартыўны разрад. Арганізуе і праводзіць спартова-масавую і фізкультурна-аздараўленчую працу сярод студэнтаў і працаўнікоў БНТУ.
Вялікі ўклад у развіццё студэнцкага спорту ў БНТУ унеслі высакакласныя спецыялісты ў галіне фізічнай культуры і спорту, якія розныя гады працавалі на кафедры: доктар педагагічных навук, прафесар, Заслужаны работнік фізічнай культуры і спорту Рэспублікі Беларусь, дэкан спартыўна-тэхнічнага факультэта І.У. Бельскі , Заслужаны трэнер БССР У.І. Чарнушын (арыентаванне спартыўнае), Заслужаны трэнер Рэспублікі Беларусь П.П. Трашчыла (лёгкая атлетыка, летняе мнагабор'е), Заслужаны трэнер Рэспублікі Беларусь В.Ф. Ганчароў (валейбол жанчыны), Заслужаны трэнер Рэспублікі Беларусь К.Р. Шаравараў (гандбол жанчыны), Заслужаны трэнер Рэспублікі Беларусь Т.М. Шыманская(веславанне на байдарках і каноэ), Міжнародны гросмайстар В.Э. Карніловіч (шахматы), кандыдат педагагічных навук, дацэнт Л.А. Юсупава (спартыўная аэробіка), старшы трэнер нацыянальнай каманды па веславанні на байдарках і каноэ Я.К Чучкевіч (веславанне на байдарках і каноэ), А.С. Жыркевіч (гандбол мужчыны), М.Ю. Мішэнскі (футбол, міні-футбол мужчыны), А.У. Дрэмач (цяжкая атлетыка, гіравы спорт), І.С. Нежанец (плаванне, трыятлон).
Вынікі выступлення БНТУ ў Рэспубліканскай універсіядзе: 2010-2012 - 2 месца, 2013 - 3 месца, 2014 - 4 месца, 2015-2016 - 2 месца, 2017 - 3 месца , 2018-2019 - 2 месца , 2020-2021 - 3 месца, 2022 - 2 месца, 2023/2024 - 1 месца, 2024/2025 - 1 месца.
Нашы студэнты і выпускнікі дастойна прадстаўляюць Рэспубліку Беларусь на чэмпіянатах Еўропы і свету, Сусветных летняй і зімовай універсіядах, з'яўляюцца ўдзельнікамі Алімпійскіх гульняў, пераможцамі і прызёрамі чэмпіянатаў свету і Еўропы:
10 удзельнікаў Алімпійскіх гульняў
39 студэнтаў-спартсменаў уваходзяць у склад нацыянальных каманд
32 стыпендыята Прэзідэнцкага спартыўнага клуба
4 удзельнікі Сусветнай зімовай універсіяды
22 удзельнікі Сусветнай летняй універсіяды
10 удзельнікаў у чэмпіянатах свету сярод студэнтаў
Зборныя БНТУ пераможцы і прызёры чэмпіянату свету сярод студэнтаў :
2011 - гандбол (жанчыны) - 1 месца,
2014 - міні-футбол (мужчыны) - 3 месца,
2019 - гіравы спорт - 1 месца.
Удзельнікі Алімпійскіх гульняў:
Яўген Ціханцоў (СТФ) - цяжкая атлетыка, бронзавы Алімпійскіх гульняў -2024 у г. Парыж, удзельнік Алімпійскіх гульняў-2020 у г. Токіа.
Антон Смольскі (ПСФ) - біятлон, сярэбраны прызёр Алімпійскіх гульняў-2022 у г.Пекіне , удзельнік Алімпійскіх гульняў-2018 у г. Пхенчхан. Пераможца прэміі Нацыянальнага алімпійскага камітэта Рэспублікі Беларусь у намінацыі "Спартсмен года" (2025).
Мікіта Цмыг (ФТУГ, 2020) – плаванне, удзельнік Алімпійскіх гульняў-2012 у Лондане, 2016 у Рыа дэ-Жанейра і 2020 у Токіа (на цырымоніі адкрыцця гульняў нёс дзяржаўны сцяг Рэспублікі Беларусь).
Аляксандр Макаранка (СТФ, 2019) - цяжкая атлетыка, бронзавы прызёр Алімпійскіх гульняў-2012 у Лондане.
Павел Хадасевіч (СТФ, 2019) – цяжкая атлетыка, удзельнік Алімпійскіх гульняў-2012 у Лондане і 2016 у Рыа дэ-Жанэйра.
Віктар Стасяловіч (АТФ, 2018) – плаванне, удзельнік Алімпійскіх гульняў-2016 у Рыа дэ-Жанейра.
Васіліса Марзалюк (МІДА, 2017) – вольная барацьба, удзельніца Алімпійскіх гульняў-2016 у Рыа дэ-Жанейра і 2020 у Токіа.
Ірына Васькоўская (МІДА, 2017) – лёгкая атлетыка (трайны скачок), удзельніца Алімпійскіх гульняў-2016 у Рыа дэ-Жанейра.
Андрэй Арамнаў (СТФ, 2016) - цяжкая атлетыка, Алімпійскі чэмпіён гульняў-2008 у Пекіне.
Анастасія Дубарэзава (МІДА, 2012) - біятлон, удзельніца Алімпійскіх гульняў-2010 у Ванкуверы.
Аляксандра Тарасава (ФТУГ, 2012) - баскетбол, удзельніца Алімпійскіх гульняў-2008 у Пекіне.
Кафедра актыўна супрацоўнічае са спартыўнымі федэрацыямі, клубамі, арганізацыямі і ўстановамі (СДЮШАР, ДЮСШ, РЦАП, РГУАР, нацыянальныя каманды) па розных відах спорту па правядзенні прафарыентацыі моладзі для паступлення ў БНТУ і падрыхтоўцы спартыўнага рэзерву для зборных каманд БНТУ.
Студэнтам-спартсменам БНТУ, якія ўваходзяць у склад нацыянальных каманд Рэспублікі Беларусь, клубаў па гульнявых відах спорту, якія гуляюць у вышэйшай лізе прадастаўляецца індывідуальны графік навучання.
У цяперашні час на кафедры працуюць 14 штатных выкладчыкаў і 11 выкладчыкаў па сумяшчальніцтве, з іх: 3 – кандыдата навук, дацэнта, 1 – Заслужаны майстар спорту, 2 – Заслужаных трэнера, 2 – майстры спорту міжнароднага класа, 18 – майстроў спорту.