18 красавіка на спартыўна-тэхнічным факультэце прайшоў традыцыйны вясновы суботнік, у якім актыўны ўдзел прынялі супрацоўнікі і работнікі факультэта. Мерапрыемства было накіравана на добраўпарадкаванне прылеглых тэрыторый, уключаючы стадыён і зону ля корпуса, а таксама на ўборку ўнутраных памяшканняў. Дружны калектыў факультэта выйшаў на ўборку, каб навесці парадак пасля зімовага перыяду і падрыхтаваць тэрыторыі да новага вучэбна-трэніровачнага сезона. Асаблівую ўвагу надалі тром ключавым лакацыям: Стадыён-работнікі ачысцілі бегавыя дарожкі і сектары ад леташняй лістоты і смецця, прывялі ў парадак трыбуны і краю футбольнага поля. Тэрыторыя каля корпуса-тут удзельнікі суботніка падмяталі дарожкі, збіралі галінкі і апалае лісце, мылі Фасадныя элементы і цокаль будынка, а таксама прыводзілі ў парадак клумбы і газоны. Унутраныя памяшканні корпуса-У гэты раз уборка прайшла і ўнутры будынка: работнікі вымылі падлогі ў аўдыторыях, калідорах, працерлі паверхні, прывялі ў парадак месцы агульнага карыстання і лесвічныя пралёты. Узброіўшыся граблямі, венікамі, насілкамі, швабрамі і неабходным інвентаром, работнікі факультэта зладжана і з добрым настроем выканалі пастаўленыя задачы. Суботнік прайшоў у атмасферы ўзаемадапамогі і адказнасці за агульную справу – кожны ўнёс свой уклад у паляпшэнне аблічча навучальнай установы. Дзякуючы сумесным намаганням і прылеглая тэрыторыя, і ўнутраныя памяшканні сталі прыкметна чысцей і дагледжаней. Праведзенае мерапрыемства не толькі змяніла знешні выгляд стадыёна, прасторы ля корпуса і інтэр'еры будынка, але і паслужыла наглядным прыкладам таго, як калектыўная праца спрыяе захаванню парадку і выгоды.
