Спартыўна-тэхнічны факультэт - самы малады ў Беларускім нацыянальным тэхнічным універсітэце і першы інжынерны факультэт у ВНУ краін СНД, на якім ажыццяўляецца падрыхтоўка спецыялістаў інжынернага профілю для сферы спартыўнай індустрыі. З яго адкрыццём айчынная фізкультурна-спартыўная галіна стане атрымліваць кваліфікаваных спецыялістаў, здольных удзельнічаць у навукова-даследчай, вытворча-тэхнічнай і арганізацыйна-кіраўніцкай дзейнасці на прадпрыемствах і ў арганізацыях прамысловага і фізкультурна-спартыўнага комплексаў, якія спецыялізуюцца на выпуску і абслугоўванні спартыўных трэнажораў. інфармацыйных сістэм, інвентара, прыбораў і абсталявання спецыяльнага прызначэння. Выпускнікі спартыўна-тэхнічнага факультэта сёння запатрабаваны на дзейных і ўводзімых у эксплуатацыю культурна-спартыўных комплексах. Эфектыўная эксплуатацыя тэхналагічнага абсталявання на гэтых аб'ектах цяпер немагчыма без прысутнасці кваліфікаванага персаналу з самавітай інжынернай падрыхтоўкай, ведамі метадаў эканомікі і менеджменту, выкарыстання інструментарыя інфармацыйных тэхналогій.
Падрыхтоўку інжынерных кадраў на факультэце ажыццяўляе выпускаючая кафедра "Спартыўная інжынерыя", у складзе якой працуюць вядучыя спецыялісты ў галіне спартыўнага трэнажорабудавання, аўтаматызацыі трэніровачнага працэсу, тэхнічнага забеспячэння і эксплуатацыі аб'ектаў спартыўнага прызначэння. Да навучання студэнтаў прыцягваюцца лепшыя выкладчыкі БНТУ, якія маюць вопыт укаранення ў фізкультурна-спартыўную практыку інавацыйных інжынерных тэхналогій. На ўсіх этапах навучання студэнты праходзяць практыку на базе сучасных спартыўных комплексаў, у кампаніях, якія ажыццяўляюць пастаўку, мантаж, сэрвіс інжынерных і інфармацыйных сістэм і абсталявання вядучых сусветных вытворцаў, якія супрацоўнічаюць з суб'ектамі спартыўнай інфраструктуры Рэспублікі Беларусь.
Падрыхтоўка спецыялістаў ажыццяўляецца па трох спецыяльнасцях: 1 - 60 01 01 "Тэхнічнае забеспячэнне эксплуатацыі спартыўных аб'ектаў" , 1-60 02 01 "Тэхнічнае забеспячэнне спартыўных тэхналогій" і 1-60 02 02 "Праектаванне і вытворчасць спартыўнай тэхнікі".
Акрамя профілюючай кафедры "Спартыўная інжынерыя" ў складзе факультэта функцыянуюць таксама кафедра фізічнай культуры і кафедра спорту, на якіх працуюць 90 выкладчыкаў, якія забяспечваюць ва ўніверсітэце навучальны працэс па фізічным выхаванні і павышэнні спартыўнага майстэрства студэнтаў. Сярод прафесарска-выкладчыцкага складу трох кафедр факультэта 1 доктар педагагічных навук навук, 12 кандыдатаў навук, 1 заслужаны трэнер БССР, 3 заслужаныя трэнеры Рэспублікі Беларусь, 1 заслужаны майстар спорту, 4 майстры спорту міжнароднага класа, 40 майстроў спорту, 5 суддзяў міжнароднай катэгорыі, 4 суддзі вышэйшай нацыянальнай катэгорыі, 11 суддзяў нацыянальнай катэгорыі.
