Рэспубліка Беларусь, 220013, г. Мінск, вул. Хмяльніцкага, 9, корпус 11 а, к. 223
+375 (17) 293-93-12
rts@bntu.by
Гісторыя кафедры пачынаецца з 1980г., на базе кафедры "Металарэжучыя станкі і інструменты" на машынабудаўнічым факультэце была створана кафедра "Аўтаматызацыя і комплекснае механізаванне машынабудавання". Арганізатар, першы загадчык кафедры доктар тэхнічных навук - Хуцкі Генадзь Іванавіч. Пры кафедры адразу ж была створана галіновая навукова-даследчая лабараторыя.
У 1983 годзе арганізаваны першы ў СНД факультэт "Робаты і робататэхнічныя сістэмы", і кафедра стала базавай на гэтым факультэце. Дэканам факультэта прызначаны Хуцкі Г.І. Спецыяльнасць "Аўтаматызацыя і комплекснае механізаванне машынабудавання" пераўтварылася ў больш шырокую спецыяльнасць "Аўтаматызацыя тэхналагічных працэсаў і вытворчасцей" з шэрагам спецыялізацый. На кафедры, з дазволу саюзнага міністэрства вышэйшай адукацыі, з'явілася новая для Беларусі спецыяльнасць "Робататэхніка". Кафедра стала называцца "Робататэхніка і аўтаматызацыя", і ў далейшым была пераўтворана ў кафедру "Работатэхнічныя сістэмы".
Склад сучаснай кафедры налічвае 21 чалавек. Прафесарска-выкладчыцкі склад кафедры вядзе вучэбную нагрузку па агульнатэхнічных і спецыяльных дысцыплінах, ажыццяўляе бягучы кантроль і атэстацыю слухачоў, забяспечвае метадычныя, арганізацыйныя аспекты рэалізацыі праграмы падрыхтоўкі (арганізацыя практык, дыпломнага і курсавога праектавання).
У цяперашні час кафедра вядзе падрыхтоўку спецыялістаў па 2 спецыяльнасцях: спецыяльнасць 6-05-0713-04 "АЎТАМАТЫЗАЦЫЯ ТЭХНАЛАГІЧНЫХ ПРАЦЭСАЎ І ВЫТВОРЧАСЦЬ", 6-05-0713-05 "РАБОТАТЭХНІЧНЫЯ СІСТЭМЫ". Наяўнасць на кафедры спецыяльнасцi з паглыбленай вышэйшай адукацыяй магістратуры 7-06-0713-04 "Аўтаматызацыя", аспірантуры і дактарантуры па спецыяльнасці 05.13.06 "Аўтаматызацыя і кіраванне тэхналагічнымі працэсамі і вытворчасцямі" адкрывае перад выпускнікамі магчымасць атрымаць паглыбленыя веды па спецыяльнасцях і пашырыць свой прафесійны кругагляд.
Кафедра рыхтуе замежных спецыялістаў з выкладаннем дысцыплін на англійскай мове і ажыццяўляе сумесныя адукацыйныя праграмы з вышэйшымі навучальнымі ўстановамі Узбекістана.
За 40 гадоў свайго існавання кафедрай былі падрыхтаваны некалькі тысяч высокакваліфікаваных інжынераў, якія працуюць у розных галінах народнай гаспадаркі, навукова-тэхнічных лабараторыях. На кафедры паспяхова абаранілі кандыдацкія дысертацыі Навічыхін Р.В., Скачак В.А., Свідзерскі Г.С., Кулакоў А.Т, Хусід. А.М., Жураўлёва А.Р.
За час існавання кафедры створана 8 спецыялізаваных навучальных лабараторый, абсталяваных сучаснымі навучальнымі стэндамі, мікрапрацэсарнымі ўстаноўкамі, прамысловымі кантролерамі, прамысловымі робатамі, адытыўнымі сістэмамі, сістэмамі кіравання тэхналагічнымі працэсамі. Лабараторыі абсталяваны сучасным мультымедыйным абсталяваннем, інтэрактыўнымі дошкамі. Кожны студэнт на ўвесь перыяд навучання мае доступ да сучасных ЭВМ, што дае магчымасць атрымаць навыкі праграмавання і працы са спецыялізаванымі праграмнымі прадуктамі, такімі як ANSYS, SOLIDWORKS, AutoCAD, MatLab, SCADA-сістэмамі, СКБД і інш. Актыўна ідзе ўкараненне ў навучальны працэс праграмных прадуктаў кампаніі Siemens. Выкарыстанне ў навучальным працэсе сучасных праграмна-тэхнічных комплексаў дае магчымасць рыхтаваць кваліфікаваных спецыялістаў для прамысловасці нашай Рэспублікі. Да выкладання прыцягваюцца спецыялісты камерцыйных кампаній, якія займаюцца распрацоўкай сістэм аўтаматызацыі і робататэхнікі.
У 2019 годзе на базе ТАА «ТЭХНІКОН», адкрыты філіял кафедры «Робататэхнічныя сістэмы». Філіял створаны ў мэтах забеспячэння практыка-арыентаванага падыходу ў падрыхтоўцы спецыялістаў па напрамках спецыяльнасцей кафедры; замацавання тэарэтычных і практычных ведаў, прафесійных кампетэнцый студэнтаў; выкарыстання навукова-вытворчай базы для ажыццяўлення навукова-даследчай работы; арганізацыі бесперапыннай практычнай падрыхтоўкі студэнтаў 1–4 курсаў і рэгулярнага праходжання студэнтамі ўсіх відаў практык; правядзення навукова-практычных канферэнцый, семінараў, адкрытых лекцый, кансультацый; арганізацыі выкананне курсавых, дыпломных і магістарскіх работ; арганізацыі стажыровак, павышэнне прафесійнага ўзроўню прафесарска-выкладчыцкага складу кафедры.
На працягу многіх гадоў кафедра РТС з'яўляецца экспертам і арганізатарам міжнародных навукова - тэхнічных канферэнцый, семінараў, вебінараў ў галіне аўтаматызацыі тэхналагічных працэсаў і вытворчасцей. На кафедры выдадзены шэраг манаграфій, вучэбна - метадычных дапаможнікаў, вучэбна - метадычных комплексаў у галіне аўтаматызацыі і робататэхнікі. Выкладчыкі кафедры з'яўляюцца пастаяннымі членамі журы ў рэспубліканскіх конкурсах па робататэхніцы сярод навучэнцаў навучальных устаноў Рэспублікі Беларусь. З 2020 года выкладчыкі кафедры з'яўляюцца куратарамі профілю "Робататэхніка" праграмы дадатковай адукацыі адораных дзяцей і моладзі УА "Нацыянальны дзіцячы тэхнапарк".
Інжынер па аўтаматызацыі, інжынер - электрамеханік - прафесіі, без якіх не можа абысціся ні адна галіна ў Рэспубліцы. Прычым па меры развіцця тэхнічнага прагрэсу, значнасць гэтых адмыслоўцаў будзе толькі ўзрастаць. Адсюль і вялікая цікавасць, якую праяўляюць прадпрыемствы да нашых выпускнікоў. У першую чаргу буйныя прадпрыемствы, дзе ў вытворчасці задзейнічана вялікая колькасць людзей і тэхнікі. Кафедра РГС актыўна супрацоўнічае ў галіне робататэхнікі, аўтаматызацыі, інтэлектуальных сістэм з вядучымі прадпрыемствамі Рэспублікі Беларусь і замежнымі прадпрыемствамі. Шэраг беларускіх і міжнародных кампаній, такіх як БКМ Холдынг, Еўрапейская электратэхнічная кампанія, Rozum Robotics, ТАА "Вектар тэхналогій", FESTO, праявілі зацікаўленасць у супрацоўніцтве з кафедрай.
Кафедра прымае актыўны ўдзел у міжнародных еўрапейскіх адукацыйных праграмах ERASMUS+. У рамках праекта "Прыкладныя навучальныя праграмы ў галіне касмічных даследаванняў і інтэлектуальных робататэхнічных сістэм" (APPLE), выкладчыкі кафедры прайшлі стажыроўкі ў еўрапейскіх універсітэтах Германіі, Латвіі, Бельгіі.
Профіль кафедры звязаны з адным з найбольш актуальных напрамкаў тэхнічнага прагрэсу - аўтаматызацыяй вытворчасці і робататэхнікай, і прадугледжвае навучанне студэнтаў сучасным метадам матэматычнага мадэлявання, праграмавання, прымяненню вылічальнай тэхнікі, а таксама метадам кантролю, кіравання, аўтаматызацыі тэхналагічных працэсаў і вытворчасцей у прамысловасці, вядзецца актыўная работа па стварэнню і распрацоўцы беспілотных апаратаў.