Факультэт створаны ў 1983 г. як факультэт робатаў і робататэхнічных сістэм на базе трох найстарэйшых кафедраў Беларускага політэхнічнага інстытута: вышэйшай матэматыкі, тэхнічнай фізікі, электрапрывада і аўтаматызацыі прамысловых установак і тэхналагічных комплексаў і маладой кафедры – аўтаматызацыі і комплекснай механізацыі.
Факультэт пачынаўся з дзвюх спецыяльнасцей: "Аўтаматызацыя тэхналагічных працэсаў і вытворчасцей" і "Аўтаматызаваны электрапрывад", якія маюць спецыялізацыі па робататэхніцы. І сёння факультэт застаецца адзіным у рэспубліцы цэнтрам падрыхтоўкі спецыялістаў у галіне робататэхнікі.
У той жа час, у адпаведнасці з патрабаваннямі сённяшняга дня, пашыраецца падрыхтоўка спецыялістаў у галіне інфармацыйных тэхналогій і робататэхнікі. Новая назва найбольш поўна адлюстроўвае існуючую структуру спецыяльнасцей накіраванасць развіцця факультэта.
Вялікі ўклад у станаўленне і развіццё факультэта ўнеслі дэканы Г.І. Хуцкі (1983-1989), Ю.І. Мацвееў (1989-1994), Р.А.Пуко (1994-2009), Я.Я.Трафіменка (2009-2019). З красавіка 2019 года факультэт узначальвае А.М. Аўсіевіч.
У склад факультэта ўваходзяць 5 кафедр:
Асноўны напрамак навуковай дзейнасці факультэта - развіццё інфармацыйных тэхналогій у адукацыі, навуцы, вытворчасці.
Навукова-даследчую дзейнасць ажыццяўляюць навукова-даследчая і інавацыйная лабараторыя аўтаматызацыі вытворчасці.
На факультэце працуе каля 150 выкладчыкаў, сярод якіх 7 дактароў і 67 кандыдатаў навук. Навучаецца 1391 студэнт, з іх на дзённай форме навучання - 1158.
