Філіял БНТУ "Інстытут павышэння кваліфікацыі і перападрыхтоўкі кадраў па новых напрамках развіцця тэхнікі, тэхналогіі і эканомікі" (Філіял БНТУ "ІПКіПК") быў створаны як «Міжгаліновы інстытут павышэння кваліфікацыі кадраў па новых напрамках развіцця тэхнікі і тэхналогіі пры Беларускім політэхнічным інстытуце» 31 сакавіка 1987 гады на падставе сумеснага загада Мінвуза БССР, Мінсельгасмаша СССР, Мінаўтапрама СССР і Акадэміі навук БССР. З 1989 года ІПК і ПК працуе ва ўмовах самафінансавання і самаакупнасці. У 2001 – 2004 г.г. інстытут знаходзіўся ў прамым падпарадкаванні Міністэрства адукацыі Рэспублікі Беларусь. У 2004г. ІПКіПК уключаны ў структуру БНТУ ў якасці адасобленага структурнага падраздзялення (загад Міністэрства адукацыі №129 ад 10.02.2004, загад БНТУ №30-П ад 03.05.2004). У 2013 годзе ІПКіПК набывае статус філіяла БНТУ (загад БНТУ ад 06.11.2013 № 1484 "Аб перайменаванні некаторых адасобленых структурных падраздзяленняў БНТУ").
Першым рэктарам (дырэктарам) Інстытута на працягу больш за 20 гадоў быў доктар фізіка-матэматычных навук, прафесар Круглік Генадзь Сяргеевіч. З 29 мая 2008 года Інстытут узначальваў доктар тэхнічных навук, прафесар, Заслужаны работнік адукацыі Рэспублікі Беларусь Рэут Алег Паўлавіч. З 15 кастрычніка 2021 года дырэктарам інстытута з'яўляецца Канапацкі Дзяніс Аляксандравіч .
Мэтай дзейнасці Інстытута з'яўляецца рэалізацыя адукацыйных праграм перападрыхтоўкі і павышэння кваліфікацыі кіруючых работнікаў і спецыялістаў на ўзроўнях вышэйшай і сярэдняй спецыяльнай адукацыі (у тым ліку студэнтаў старэйшых курсаў ВНУ), прафесійнай падрыхтоўкі па прафесіях рабочых (служачых), навучальных курсаў, а таксама правядзенне фундаментальных і прыкладных. навукова-даследчых работ у рамках дзяржаўных праграм і гаспадарчых дагавораў з прадпрыемствамі і арганізацыямі рэспублікі. Права на ажыццяўленне адукацыйнай дзейнасці рэгламентуецца ліцэнзіяй Міністэрства адукацыі Рэспублікі Беларусь №02100/381.
Поўны пералік спецыяльнасцей перападрыхтоўкі Інстытута знаходзіцца ва ўкладцы Адукацыйныя праграмы .
