У рамках факультатыўнага курса "У свеце тэхнікі і тэхналогій: выбіраем інжынерную прафесію" дэкан факультэта горнай справы і інжынернай экалогіі Калагрыўка Андрэй Андрэевіч і старшы выкладчык кафедры "Горныя работы" Кузьміч Валянціна Андрэеўна прачыталі лекцыі для інжынерных класаў гімназіі №1 і сярэдняй школы №1 г. Салігорска, у якой раскрылі папулярнай мовай такія паняцці, як тэхнагенна нагружаныя тэрыторыі, тэхнагенез, падпрацоўваныя аб'екты.
У кантэксце вывучэння геаграфіі, матэматыкі, хіміі навучэнцамі інжынерных класаў пашыраны кругагляд ведаў у галіне геалогіі і экалога-бяспечнага нетракарыстання.
Даступныя поглядам школьнікаў паўсядзённыя аб'екты – солеадвалы, шламасховішчы, наземныя канструкцыі абагачальных фабрык – прадставіліся складанымі інжынернымі аб'ектамі, будаваць і бяспечна фармаваць якія магчыма толькі пасля атрымання вышэйшай горнатэхнічнай адукацыі і вывучэння пытанняў у галіне маркшэйдэрыі, геамеханікі, гідрагеалогіі, бураўзрыўных работ.
Школьнікі праяўлялі дастатковую цікавасць да лекцыі, бо многія з іх з'яўляюцца прадстаўнікамі шахцёрскіх дынастый.
Лекцыя зарыентавала і дала магчымасць навучэнцам зрабіць свядомы выбар будучай прафесіі.
