Кафедра : Парашковая металургія, зварка і тэхналогія матэрыялаў

Кафедра "Парашковая металургія, зварка і тэхналогія матэрыялаў" ("ПМС і ТМ") адна з вядучых агульнатэхнічных кафедраў БНТУ.

Цяпер на кафедры працуюць 3 прафесара, 3 дацэнта, 2 старшых выкладчыкаў, 2 асiстэнта

Супрацоўнікамі кафедры выдадзена больш за 20 падручнікаў і вучэбна-метадычных дапаможнікаў і каля 20 манаграфій. Навуковы напрамак кафедры звязаны з распрацоўкай тэарэтычных і тэхналагічных асноў атрымання і апрацоўкі новых матэрыялаў, у тым ліку парашковых, зваркі, умацавання і аднаўлення паверхняў дэталей.

Навукова-даследчая работа на кафедры выконваецца па дзяржаўных праграмах навуковых і прыкладных даследаванняў і гасдагаворных работах з прадпрыемствамі РБ.

Кафедрай ажыццяўляецца паспяховае міжнароднае супрацоўніцтва з навуковымі ўстановамі і прамысловымі прадпрыемствамі Рэспублікі Беларусь, Расійскай Федэрацыі, Украіны, Кітая, Германіі, Польшчы, Швецыі, Індыі і іншых краін. Навукова-тэхнічныя распрацоўкі супрацоўнікаў кафедры адзначаны Дзяржаўнымі прэміямі БССР і РБ, прэміямі Савета Міністраў СССР і РБ, УЛКСМ, ЛКСМБ, медалямі і дыпломамі ВДНГ СССР і іншых міжнародных выставак.

Пры кафедры працуе навукова-даследчая выпрабавальная лабараторыя зваркі, роднасных тэхналогій і неразбураючага кантролю (Навуковы кансультант - д.т.н., прафесар Панцялеенка Ф.І., загадчык лабараторыі к.т.н.  Литвiнка А.А.) , у рамках якой функцыянуе кантрольна-вымяральны Цэнтр неразбураючага кантролю (візуальны, капілярны, радыеграфічны, ультрагукавы), механічных выпрабаванняў і металаграфічных даследаванняў асноўнага металу і зварных злучэнняў (атэстат акрэдытацыі BY/112 1.0517 ад 31.03.2002) працэсаў зваркі, спецыялістаў зварачнай вытворчасці (кіраўнікоў зварачных работ), зваршчыкаў і тэрмістаў - аператараў перасовачных установак тэрмічнай апрацоўкі зварных злучэнняў (дазвол Дзяржпрамнагляду №06-43К-2012),у тым ліку ў адпаведнасці з патрабаваннямі еўрапейскіх і міжнародных стандартаў.

Пры кафедры працуюць аспірантура і дактарантура, дзе на працягу многіх гадоў ажыццяўляецца падрыхтоўку спецыялістаў вышэйшай кваліфікацыі па спецыяльнасцях: 05.03.06 "Тэхналогія і машыны зварачнай вытворчасці" 05.16.06 "Парашковая металургія і кампазіцыйныя і матэрыялы". За перыяд існавання кафедры 10 супрацоўнікаў абараніла доктарскія дысертацыі, звыш 120 аспірантаў і суіскальнікаў атрымалі ступені кандыдатаў тэхнічных навук. На кафедры праходзяць стажыроўку спецыялісты з іншых навучальных устаноў, у тым ліку з-за мяжы.

З 2003 года кафедра адкрывае свае філіялы на базе ВА "Мінскі трактарны завод" для падрыхтоўкі інжынераў зваршчыкаў па спецыяльнасці "Абсталяванне і тэхналогія зварачнай вытворчасці" і ў БДНВК "Парашковая металургія" для падрыхтоўкі інжынераў-металургаў па спецыяльнасці "Парашковая металургія, кампазіцыйныя матэрыялы". ». Штогод на філіялах праходзяць канструктарска-тэхналагічную і пераддыпломную практыкі больш за 20 студэнтаў. Супрацоўнікі філіяла ажыццяўляюць кіраўніцтва практыкамі і дыпломным праектаваннем. У працэсе праходжання практык студэнты не толькі вывучаюць сучасныя тэхналогіі вырабу розных дэталяў, але выконваюць даследчую працу, удзельнічаючы ў вырашэнні канкрэтных задач вытворчасці. Такі практыка-арыентаваны падыход да падрыхтоўкі маладых спецыялістаў забяспечвае больш высокі ўзровень адукацыі,

Кафедра "Парашковая металургія, зварка і тэхналогія матэрыялаў" рыхтуе спецыялістаў-інжынераў для розных галін машынабудавання па спецыяльнасці 1-36 01 06 "Абсталяванне і тэхналогія зварачнай вытворчасці".

За перыяд навучання будучыя інжынеры атрымліваюць высокую агульнанавуковую, інжынерную, спецыяльную тэхналагічную і канструктарскую падрыхтоўку, неабходную для ажыццяўлення сваёй прафесійнай дзейнасці. Спецыяльная падрыхтоўка ўключае: тэарэтычныя асновы зварачных працэсаў, праектаванне тэхналагічных працэсаў, праектаванне і вытворчасць зварных канструкцый, аўтаматызацыю зварачнай вытворчасці, эфектыўнае выкарыстанне ЭВМ пры тэхналагічным праектаванні і вытворчасці, праектаванне і арганізацыю вытворчасці. У сучасных камп'ютарных класах выконваюцца работы па праектаванні тэхналагічных працэсаў зваркі, абсталявання, зварных канструкцый і прыстасаванняў. Асвойваюцца аўтаматызаваныя сістэмы кіравання зварачнымі комплексамі, якія складаюць аснову зварачнай вытворчасці сучаснага прамысловага прадпрыемства. Пры праходжанні вытворчых практык на вядучых прамысловых прадпрыемствах рэспублікі набываецца неабходны вытворчы вопыт. Глыбокая практычная падрыхтоўка таксама праводзіцца ў лабараторыях кафедры і вучэбна-вытворчых майстэрняў, абсталяваных сучасным абсталяваннем, дзе будучыя інжынеры прыцягваюцца да навуковых даследаванняў.

Пасля заканчэння вучобы дыпламаваныя інжынеры змогуць прадоўжыць навучанне ў магістратуры, і далей у аспірантуры па сваёй роднаснай спецыяльнасці з наступнай абаронай дысертацыі па адным з новых напрамкаў у галіне тэорыі і тэхналогіі зваркі.

З 2013 г. адкрыта падрыхтоўка спецыялістаў па другой ступені адукацыі (магістратуры) па спецыяльнасцях: 1-36 80 04 Апрацоўка канструкцыйных матэрыялаў у машынабудаванні 1–36 81 03 «Зварачныя і роднасныя тэхналогіі ў прамысловасці» За невялікі перыяд часу падрыхтавана звыш 20 спецыялістаў, якія атрымалі кваліфікацыю магістра тэхнічных навук.

Выпускнікі кафедры працуюць ва ўсіх галінах рэальнага сектара эканомікі Рэспублікі Беларусь як у дзяржаўных, так і ў прыватных кампаніях з перспектывамі кар'ернага росту. Гэта інжынер-тэхнолаг па распрацоўцы тэхналагічных працэсаў зваркі з ужываннем кампутарнай тэхнікі, начальнік тэхналагічнага бюро зваркі ці начальнік канструктарскага бюро; намеснік галоўнага тэхнолага і інш.

Востры дэфіцыт кваліфікаваных інжынераў-зваршчыкаў апошнім часам у Рэспубліцы Беларусь не пакрываецца колькасцю інжынераў, якія выпускаюцца. Таму пры размеркаванні кадраў адсутнічае праблема з працаўладкаваннем. Размеркаванне ажыццяўляецца на вядучыя прадпрыемствы рэспублікі, такія як: ААТ "БелАЗ", Белтрансгаз, "ЦэнтраЭнергаМантаж", ААТ "Амкадор", ААТ "МАЗ", РУП "МТЗ", Мінскі завод халадзільнікаў, НВРУП "КБТЭМ-ОМО", ААТ "МЗКЦ" », ААТ «Прамтэхмантаж», ААТ «Белкамунмаш» і інш. Тут веды і ўменні, ініцыятыва і інтэлект будучых інжынераў будуць запатрабаваны ў справе паспяховага развіцця народнай гаспадаркі Рэспублікі Беларусь.