Кафедра забяспечвае падрыхтоўку горных інжынераў па спецыяльнасці "Распрацоўка радовішчаў карысных выкапняў (па напрамках)". Напрамкі падрыхтоўкі: «Адкрытыя горныя працы», «Падземныя горныя працы», «Маркшэйдарская справа». Вучэбная база кафедры ўключае лабараторыі па геалагічных дысцыплінах, фізіцы горных парод, працэсах горнай вытворчасці, аўтаматызацыі вытворчых працэсаў, філіял кафедры ў ААТ "Белгархімпрам". Навуковыя напрамкі кафедры: мадэляванне і аптымізацыя працэсаў распрацоўкі радовішчаў карысных выкапняў; стварэнне і ўдасканаленне бяспечных і эканамічна эфектыўных тэхналогій распрацоўкі радовішчаў карысных выкапняў.