VIII Рэспубліканскі турнір па тарфяным футболе, прысвечаны 95-годдзю Беларускай энергасістэмы, прайшоў 20 чэрвеня 2026 года ў пасёлку Праўдзінскі Пухавіцкага раёна на базе філіяла «Тарфабрыкетны завод «Сяргеевіцкае» ВРУП «Мінгаз». У турніры прымалі 27 каманд з Беларусі і адна - з Расіі (Санкт-Пецярбург). Першы турнір адбыўся ў 2016 годзе на базе ТБЗ "Усяж" (дырэктар Слерарчык Пётр Фёдаравіч).
Рэгламентам спаборніцтва на першым этапе былі прадугледжаны гульні ў шасці падгрупах на тарфяных вельмі вільготных пляцоўках памерам 20 на 30 метраў. Працягласць кожнага з двух таймаў - 7 хвілін чыстага часу. Наступныя этапы - па алімпійскай сістэме на выбыванне. Склад каманды - пяць палявых гульца і брамнік. Адной з важных асаблівасцяў з'яўляецца таксама абавязковы ўдзел у камандзе ў кожнай гульні адной дзяўчыны.
На тарфяныя футбольныя палі выходзіла каманда са студэнтаў факультэта горнай справы і інжынернай экалогіі, а таксама факультэта энергетычнага будаўніцтва Беларускага нацыянальнага тэхнічнага ўніверсітэта: Канстанцін Чэчка, Дзмітрый Лінічэнка, Арсень Крывенькі, Мікалай Свірыдчук, Аляксей Старыцкі, Паліна Нікавіч, Я. Падаляк, Канстанцін Дабравольскі і Арцём Бурмак, а таксама кіраўнікі: старшы выкладчык Басалай Рыгор Антановіч і загадчык лабараторыі Габрыновіч Алег Уладзіміравіч. Прыехаў падтрымаць каманду дэкан ФДДІЭ А.А.Калагрэўка.
Турнір па тарфяным футболе - гэта не толькі захапляльнае спаборніцтва, але і магчымасць пагутарыць з калегамі, сустрэцца з аднадумцамі. Факультэт горнай справы і інжынернай экалогіі стаяў ля вытокаў тарфяной справы ў Беларусі. Сярод яго выпускнікоў шмат кіраўнікоў профільных прадпрыемстваў тарфяной галіны. Вялікі гонар паспаборнічаць з дастойнымі сапернікамі. Гэта сапраўднае свята. Прадстаўнікі тарфяной прамысловасці заўжды адрозніваліся тым, што ўмеюць працаваць, паказваць вынік.
У выніку пераможцам турніру стала каманда ВА "Мінскі трактарны завод". Другое месца заняла каманда з Расіі "Санкт-Пецярбург Лейкс". Трэцяе месца заняла каманда "Брэстаблгаз".
