З кожным годам у БНТУ прыбывае ўсё больш замежных студэнтаў – з розных краін, з рознымі традыцыямі і гісторыямі. Яны выбіраюць Беларусь, каб атрымаць якасную адукацыю, знайсці новых сяброў і пабудаваць сваю будучыню. Мы вырашылі пазнаёміцца з імі бліжэй і даведацца, што прывяло іх у наш універсітэт. Першым героем нашай рубрыкі стаў Сулейман Дагшынаў з Туркменістана-адкрыты, мэтанакіраваны і ўжо амаль мясцовы жыхар. Нягледзячы на тое, што Беларусь для яго – новая краіна, хлопец адчувае сябе тут як дома. Мы сустрэліся з Сулейманам, каб даведацца, як праходзіць яго адаптацыя, чаму ён абраў «бізнэс-адміністраванне» і якія планы будуе на будучыню.
– Сулейман, кажуць, што моўнага бар'ера ў цябе не ўзнікла. Гэта сапраўды так?
– Цалкам дакладна. Рускую мову я ведаю з самага дзяцінства, таму што да трэцяга класа вучыўся менавіта ў рускай школе, і сама руская мова мне заўсёды падабалася, таму ў плане мовы я ніяк спецыяльна не рыхтаваўся. Цяпер у зносінах я адчуваю сябе абсалютна ўпэўнена і свабодна. Перад пераездам я проста шукаў у Інтэрнэце інфармацыю пра Менск, глядзеў фатаграфіі БНТУ, чытаў пра культуру і жыццё ў Беларусі, каб ведаць чаго чакаць.
– Якія былі першыя ўражанні ад пераезду?
– Мінск адразу мне спадабаўся. Горад вялікі, чысты, і тут неяк адразу спакойна сябе адчуваеш. А БНТУ наогул здзівіў: я не думаў, што ўніверсітэт такі велізарны. Тут столькі карпусоў! Больш за ўсё здзівіла, што людзі вакол вельмі прыязныя, заўсёды падкажуць, калі нешта шукаеш!
– Раскажы, чаму ты вырашыў звязаць сваё жыццё з Беларуссю?
– Я выбраў Беларусь, таму што гэта вельмі прыгожая і чыстая краіна, дзе створаны ідэальныя ўмовы для студэнтаў. Мне тут вельмі падабаецца, і пасля вучобы я цвёрда планую застацца тут жыць і развівацца прафесійна!
– А якая спецыяльнасць стала тваім пунктам апоры?
– Я абраў спецыяльнасць «Бізнэс-адміністраванне», таму што сучасны мэнэджар павінен разбірацца не толькі ў эканоміцы, але і ў тэхналогіях. Я даведаўся, што БНТУ – гэта вядучая ВНУ, якая рыхтуе кіраўнікоў новага пакалення, здольных кіраваць праектамі, запускаць стартапы і эфектыўна кіраваць бізнэс-працэсамі. І я лічу, што дыплом БНТУ па гэтай спецыяльнасці дазволіць мне лёгка знайсці працу і ўпэўнена будаваць кар'еру кіраўніка.
– Акрамя вучобы, як ты праводзіш час? Чым захапляешся, акрамя бізнес-планаў?
– Я добры і пазітыўны чалавек. Я заўсёды рады прыйсці на дапамогу кожнаму, каму гэта трэба. Люблю ўвагу публікі і з радасцю ўдзельнічаю ў творчым жыцці. Па натуры я рамантык, умею шанаваць прыгажосць вакол і люблю даглядаць за блізкімі. Цікаўлюся культурамі розных краін свету і люблю пазнаваць новае. Я вельмі адкрыты чалавек, люблю музыку, песні і танцы!
Знаёмства з Сулейманам лішні раз пацвердзіла, што БНТУ – гэта сапраўдны дом для студэнтаў з самых розных куткоў свету. Шчырасць, мэтанакіраванасць і жыццялюбства нашага новага героя-выдатны прыклад таго, як важна ісці за сваёй марай. Жадаем Сулейману яркай студэнцкай жыцця, творчых перамог і паспяховага старту ў кар'еры кіраўніка!
