5 сакавіка 2023 года на факультэце міжнароднага супрацоуніцтва Беларускага нацыянальнага тэхнічнага ўніверсітэта прайшло пасяджэнне Міжнароднага круглага стала «Літаратурны люты: месячнік, прысвечаны беларускаму паэту і драматургу В. І. Дуніну-Марцінкевічу, беларускаму пісьменніку і літаратуразнаўцу М. І. Гарэцкаму і беларускаму мастаку Д. Д. Шчамялёву». Круглы стол быў арганізаваны кафедрай беларускай і рускай моў як адказнае дзеянне на духоўна-асветніцкае мерапрыемства, якое адбылося 28 лютага 2023 года на базе Ташкенцкага дзяржаўнага тэхнічнага ўніверсітэта імя Іслама Карымава.
Для абмеркавання ўдзельнікам круглага стала былі прапанаваныя наступныя пытанні: роля міжнароднага супрацоўніцтва ва ўзбагачэнні нацыянальнай літаратуры; папулярызацыя беларускага выяўленчага мастацтва за мяжой; пераклад і класічная літаратурная спадчына.
Праблемнае поле круглага стала:
У працы круглага стала прынялі ўдзел кандыдат філалагічных навук, дацэнт, загадчык кафедры беларускай і рускай моў Будзько І. У., загадчык аддзела ДНУ Цэнтр даследаванняў беларускай культуры, мовы і літаратуры НАН Беларусі» кандыдат філалагічных навук Лапцёнак А. М, кандыдат філалагічных навук, дацэнт Мантур А. Я., кандыдат філалагічных навук, дацэнт Савіцкая І. У., старшы выкладчык Мяцельскі А. А.
З прывітальнымі словамі да ўдзельнікаў і гасцей круглага стала звярнуліся Будзько Ірына Уладзіміраўна, загадчык кафедры беларускай і рускай моў, Умарава Нігора Зайнітдзінава, загадчык кафедры узбекскай мовы Ташкенцкага дзяржаўнага тэхнічнага ўніверсітэта.
Праца круглага стала пачалася з выступлення кандыдата філалагічных навук, загадчыка аддзела ДНУ «Цэнтр даследаванняў беларускай культуры, мовы і літаратуры НАН Беларусі», Лапцёнак А. М. на тэму «Спосабы перадачы безэквівалентнай лексікі ў перакладах Максіма Гарэцкага».
Перад гасцямі з дакладам выступіла кандыдат філалагічных навук, дацэнт, загадчык кафедры беларускай і рускай моў Будзько І. В. на тэму «Вінцэнт Дунін-Марцінкевіч і яго погляды на чысціню беларускай мовы».
Да ўдзельнікаў круглага стала звярнуўся з паведамленнем на тэму «Якуб Колас і браты Гарэцкія» старшы выкладчык кафедры беларускай і рускай моў Міцкевіч К. М.
З дакладамі па заяўленай тэме выступілі студэнты 1 і 3 курсаў факультэта тэхналогій кіравання і гуманітарызацыі Грыневіч Аляксандра, Доўгалаў Алег, Салейчук Марыя, Севянюк Кацярына, Пятроўская Вікторыя, Шахава Мілена.
Асаблівую цікавасць удзельнікаў круглага стала выклікалі даклады студэнтаў 1 і 3 курсаў будаўнічага факультэта Баёнава Мансура, Зароўскага Яўгена, Ковеля Максіма, Масюк Анастасіі, Чачура Аліны.
Актыўнае абмеркаванне выклікалі даклады студэнтаў 2 і 3 курсаў аўтатрактарнага факультэта Крупкевіч Наталлі, Шурман Кацярыны, Лубнеўскага Уладзіслава.
Удзел у дадзеным мерапрыемстве будзе спрыяць раскрыццю студэнтамі свайго творчага патэнцыялу і ўзбагачэнню вопытам работы па падрыхтоўцы навуковых паведамленняў і дакладаў.
Круглы стол ператварыўся ў своеасаблівую пляцоўку наладжвання інфармацыйнага абмену навуковых супрацоўнікаў і далейшага развіцця міжнароднага супрацоўніцтва.
Абмен вопытам вядучых супрацоўнікаў кафедр беларускай і рускай моў БНТУ і ўзбекскай мовы ТДТУ і гасцей круглага стала дазволіць выпрацаваць арганізацыйныя і практычныя рашэнні для павышэння якасці аказання дапамогі студэнтам пры вывучэнні літаратурнай спадчыны Рэспублікі Беларусь.
Мерапрыемства прайшло на высокім прафесійным узроўні і ў цёплай сяброўскай атмасферы. Ад імя арганізатараў круглага стала хацелася б выказаць падзяку ўсім яго ўдзельнікам.
