З 27 лютага па 1 сакавіка ў г. Віцебску адбыліся спаборніцтвы Рэспубліканскай універсіяды па зімовым мнагаборстве «Здароўе
У агульнакамандным заліку:
• першае месца – Беларускі нацыянальны тэхнічны ўніверсітэт
• другое месца – Віцебскі дзяржаўны тэхналагічны ўніверсітэт
• трэцяе месца – Віцебскі дзяржаўны ўніверсітэт імя Машэрава
Спартыўная праграма па зімовым мнагаборстве "Здароўе" ўключае чатыры практыкаванні: стральбу з пнеўматычнай вінтоўкі, скачкі ў даўжыню з месца, згінанне-разгінанне рук ва ўпоры лежачы (жанчыны) і падцягванне на перакладзіне (мужчыны), і лыжныя гонкі на дыстанцыях 3 км (жанчыны ) і 5 км (мужчыны). Пераможцы вызначаюцца ў асабістым першынстве сярод мужчын і жанчын і агульнакамандным заліку сярод УВА.
Зборную каманду БНТУ прадстаўлялі: Кірыл Сафронаў (спартыўна-тэхнічны факультэт), Уладзіслаў Баярынаў (факультэт інфармацыйных тэхналогій і робататэхнікі), Дзяніс Цітоў (спартыўна-тэхнічны факультэт), Раман Агароднік (факультэт менеджменту, маркетынгу, прадпрымальніцтва), Раман Дзяруга (ваенна- факультэт), Сяргей Маркушоў (прыборабудаўнічы факультэт), Паліна Быкадорава (факультэт тэхналогій кіравання і гуманітарызацыі), Анастасія Чапыжова (аўтатрактарны факультэт), Ганна Шымановіч (спартыўна-тэхнічны факультэт), Карына Лаўры (архітэктурны факультэт).
У асобных практыкаваннях лепшымі сталі: Чапыжова Анастасія (Аўтатрактарны факультэт) у стральбе і Маркушоў Сяргей (Прыборабудаўнічы факультэт) у скачку з месца.
У асабістым заліку сярод дзяўчынак па суме ўсіх відаў наша Быкадорава Паліна (Факультэт тэхналогій кіравання і гуманітарызацыі) заняла 3 месца.
Трэнер каманды - старшы выкладчык кафедры "Спорт" Анжэла Мікалаеўна Калтунова.
Жадаем нашым спартсменам далейшых поспехаў у вучобе і спорце!
