У Lib-дайджэсце — агляды публікацый СМІ пра Беларускі нацыянальны тэхнічны ўніверсітэт, навіны і афіша падзей на найбліжэйшы тыдзень. Знаходзьце галоўнае ў інфармацыйным патоку і наведвайце бібліятэку — тут надзейныя даныя і інфармацыя, якой можна давяраць.
Поўныя тэксты публікацый даступныя ў архіве «БНТУ ў СМІ». Рэсурс уключае матэрыялы інтэрнэт-выданняў і друкаваных СМІ, фота- і відэакантэнт. Будзьце ў курсе падзей і ганарыцеся сваім універсітэтам!
1 чэрвеня 2026 года ў Беларускім нацыянальным тэхнічным універсітэце адбылося ўрачыстае адкрыццё абноўленай выставы лепшых работ штогадовага фотаконкурсу «Імгненне майго жыцця» і цырымонія ўзнагароджання пераможцаў.
Сёлета ў конкурсе прынялі ўдзел 74 навучэнцы і супрацоўнікі БНТУ, якія прадставілі на суд журы 349 фотаздымкаў у шасці намінацыях: «Пейзаж», «Партрэт», «Ракурс», «Серыя», «Гарадское асяроддзе і архітэктура» і «Жанчына — душа краіны».
Навуковую бібліятэку БНТУ на конкурсе прадстаўлялі супрацоўнікі аддзела маркетынгу і праектнай дзейнасці: загадчыца аддзела Лізавета Дзмітрыеўна Канашэвіч, Наталля Ігараўна Волкава, Анастасія Уладзіміраўна Філіпенка і Рэната Аляксееўна Грышкевіч.
Паводле вынікаў працы журы загадчыца аддзела маркетынгу і праектнай дзейнасці Навуковай бібліятэкі БНТУ Лізавета Дзмітрыеўна Канашэвіч заняла III месца ў намінацыі «Гарадское асяроддзе і архітэктура» за фотаздымак «Занадта добрае надвор’е, каб вучыцца».
Падрабязней на сайце.
4 чэрвеня 2026 года ў Беларускім нацыянальным тэхнічным універсітэце адбыўся навукова-практычны семінар «Сістэма „Антыплагіят“ як інструмент ацэнкі арыгінальнасці навуковых работ: экспертны падыход».
Мерапрыемства аб’яднала магістрантаў, аспірантаў, выкладчыкаў, навуковых супрацоўнікаў, рэдактараў навуковых выданняў і ўсіх, чыя дзейнасць звязана з падрыхтоўкай і экспертызай навуковых тэкстаў.
Спікерам семінара выступіла Ірына Барысаўна Стралкова — афіцыйны прадстаўнік кампаніі «Антыплагіят» у Беларусі па навучанні, кандыдат педагагічных навук, дацэнт кафедры тэхналогій прафесійнай адукацыі Рэспубліканскага інстытута прафесійнай адукацыі.
Падчас семінара былі разгледжаны пытанні акадэмічнай этыкі, карэктнага выкарыстання запазычанняў у навуковых працах, асаблівасці выяўлення цытаванняў і самацытаванняў, а таксама сучасныя магчымасці сістэмы «Антыплагіят». Удзельнікі пазнаёміліся з новымі інструментамі платформы, у тым ліку з модулем выяўлення ІІ-кантэнту, «Дэтэктарам дублікатаў», модулем «Прафесійная лексіка» і абноўленымі механізмамі аналізу табліц, бібліяграфіі і графічных матэрыялаў.
Падрабязней пра мерапрыемства на сайце.
Сесія — час дэдлайнаў, курсавых работ, справаздач і бясконцых выпраўленняў перад здачай. Каб студэнты БНТУ маглі хутка і без лішніх выдаткаў падрыхтаваць усе неабходныя матэрыялы, у Навуковай бібліятэцы БНТУ працуюць пункты друку і капіравання дакументаў.
У нас можна аператыўна раздрукаваць:
Друк даступны ў чорна-белым і каляровым фарматах на аркушах А4 і А3. Кошт паслуг застаецца даступным для студэнтаў — друк ад 0,26 BYN.
Дзе можна раздрукаваць дакументы?
Час працы:
панядзелак–пятніца: 9:00–19:00
субота: 9:00–16:45
нядзеля — выхадны
Час працы:
панядзелак–пятніца: 9:00–20:00
субота: 9:00–16:45
нядзеля — выхадны
Падрабязней на сайце.
Навуковая бібліятэка БНТУ рада прадставіць сваім чытачам чарговы выпуск электроннага інфармацыйнага дайджэста InfoGenerator 1/2026 (спасылка на выпуск).
У гэтым нумары сабрана ўнікальная падборка актуальных рэсурсаў і карысных матэрыялаў, якія стануць выдатнай падтрымкай у навучанні, навуковай працы, выкладанні і асобасным развіцці.
Цэнтральнай тэмай дайджэста стаў экалагічны аўдыт — запатрабаваны напрамак, які развіваецца на стыку экалогіі, права і эканомікі.
Тут вы знойдзеце лепшыя профільныя кнігі, падручнікі і аўтарытэтныя навуковыя часопісы па гэтай тэме. Акрамя таго, у выпуску падрабязна разглядаюцца магчымасці электронна-бібліятэчнай сістэмы «Лань» для тэхнічных універсітэтаў і ўдзел БНТУ ў Кансорцыуме сеткавых электронных бібліятэк.
Падрабязней на сайце.
Да 31 снежня 2026 года для выкладчыкаў і студэнтаў БНТУ адкрыты доступ да калекцый электронна-бібліятэчнай сістэмы выдавецтва «Тонкія Навукаёмістыя Тэхналогіі», якія змяшчаюць вучэбную і навуковую літаратуру.
Прадстаўленыя ў ЭБС ТНТ кнігі арыентаваны на кірункі і спецыяльнасці падрыхтоўкі навучэнцаў у галінах:
Кнігі ЭБС (падручнікі, практыкумы, альбомы, зборнікі задач, рабочыя сшыткі, вучэбныя камплекты) дазваляюць падтрымліваць адукацыйную прастору найноўшымі ведамі, метадычнымі і навуковымі распрацоўкамі спецыялістаў Беларусі, Расіі і іншых краін.
ЭБС — гэта міжуніверсітэцкія распрацоўкі, якія даюць магчымасць атрымаць шырокі кругагляд.
Падрабязней на сайце.
Прапануем вашай увазе новую тэматычную выставу «Што чытаць пра Беларусь».
Пагрузіцеся ў шматгранны свет Беларусі! Разам з кнігамі вы зможаце прасачыць шлях краіны ад старажытных вытокаў да станаўлення сучаснай дзяржаўнасці, разабрацца ў асаблівасцях беларускай архітэктуры і народных традыцый, адкрыць для сябе легендарныя мясціны, а таксама пазнаёміцца з людзьмі Беларусі.
Падрабязней пра выставу па спасылцы.
На працягу чэрвеня ў чытальнай зале № 1 па адрасе вул. Я. Коласа, 16 будзе экспанавацца падборка падручнікаў з фонду залы.
Падрабязней пра выставу па спасылцы.
Сёлета спаўняецца 85 гадоў з таго часу, як на нашу зямлю прыйшла бяда. Памяць пра гора і слёзы тых гадоў не згасае, як не знікае і ўдзячнасць тым, хто цаной уласнага жыцця адстаяў свабоду і незалежнасць Радзімы.
Прадстаўленыя выданні — гэта хроніка мужнасці і адчаю, памылак і гераізму, страт і нязломнай волі да Перамогі. Першыя месяцы вайны сталі суровым выпрабаваннем для арміі і народа — часам абароны Брэсцкай крэпасці, Смаленскай бітвы і бітвы за Маскву.
Падрабязней пра выставу па спасылцы.
Год беларускай жанчыны — гэта выдатная нагода аддаць належнае выбітным суайчынніцам, якія ўнеслі неацэнны ўклад у развіццё культуры, навукі і дзяржаўнасці.
Еўфрасіння Полацкая ўшаноўваецца як апякунка і нябесная заступніца беларускай зямлі. Яна стала сімвалам духоўнай сілы, культуры і незалежнасці Полацкага княства.
Падрабязней пра выставу па спасылцы.
