17.06.2026 на тэрыторыі студэнцкай вёскі адбылася ўрачыстая цырымонія высадкі алеі Дружбы дзяржаў-членаў ШАС, прымеркаванай да 25-годдзя Шанхайскай арганізацыі супрацоўніцтва, у якой прынялі ўдзел студэнты факультэта міжнароднага супрацоўніцтва БНТУ з Рэспублікі Узбекістан, Рэспублікі Таджыкістан і Кітайскай Народнай Рэспублікі. Мерапрыемства прайшло ў рамках дзясятай нарады міністраў адукацыі краін ШАС.
З прывітальным словам выступіў міністр адукацыі Беларусі Андрэй Іванец. Ён адзначыў, што Студэнцкая вёска аб'ядноўвае больш за 10 тысяч студэнтаў, больш за палову з якіх – замежныя студэнты са 110 краін свету, а таксама падкрэсліў, што Беларусь з вялікай удзячнасцю ставіцца да ўсіх краін, якія давяраюць самае каштоўнае – сваю моладзь для таго, каб сфарміраваць прафесіяналаў і высакакласных спецыялістаў.
Кульмінацыяй урачыстай цырымоніі стала высадка дрэў: кіраўнікі дэлегацый пасадзілі саджанцы і ўрачыста адкрылі памятны знак новай алеі.
– Адчувалася, што мы адна каманда. Думаю, гэтая алея цяпер будзе самым любімым месцам для прагулак ва ўсіх студэнтаў, – падзяліўся адзін з замежных навучэнцаў ФМС.
Кожнае пасаджанае дрэва – гэта не толькі даніна павагі 25-гадовай гісторыі арганізацыі, але і інвестыцыя ў яе будучыню. Новая алея ў Студэнцкай вёсцы з гэтага часу будзе нагадваць усім аб дружбе, культуры і добрасуседстве!дружбе, культуре и добрососедстве!
