22.05.2026 у інтэрнаце №18 адбылася прафілактычная сустрэча студэнтаў ФМС з намеснікам начальніка АгіМ УУС Адміністрацыі Маскоўскага раёна г. Мінска Судакевічам Сяргеем Алегавічам.
У пачатку сустрэчы дзецям быў паказаны інфармацыйны відэаролік аб злачынствах, звязаных з незаконным абаротам наркатычных сродкаў, псіхатропных рэчываў і іх аналагаў. Асаблівы акцэнт у Відэа быў зроблены на судовых прысудах: студэнты ўбачылі, як некалькі хвілін ўяўнага «лёгкага заробку» абгортваюцца доўгімі гадамі пазбаўлення волі і разбуранымі жыццёвымі перспектывамі. Сяргей Алегавіч дапоўніў прагледжаны матэрыял жывымі прыкладамі са сваёй практыкі, а таксама акцэнтаваў увагу на незваротнасці прававых наступстваў.
– Шчыра кажучы, відэаролік быў вельмі цяжкім. Цяпер я разумею, што лепш лішні раз падумаць, перш чым згаджацца на нейкія сумнеўныя прапановы ў Інтэрнэце, – падзяліўся адзін са студэнтаў.
Таксама былі закрануты пытанні правілаў пражывання ў інтэрнатах: захаванне парадку ў пакоях, забарона на захоўванне і ўжыванне алкаголю, забарона на курэнне. Дзецям нагадалі, што інтэрнат-гэта не проста месца часовага пражывання, а зона павышанай адказнасці, дзе дзейнічаюць выразныя заканадаўчыя нормы.
Асобны блок быў прысвечаны правілам дарожнага руху. Сяргей Алегавіч патлумачыў маладым людзям важную ўзаемасувязь: усе правапарушэнні акумулююцца ў адзінай базе дадзеных. Гэта азначае, што любое дробнае парушэнне ПДР, зафіксаванае ДАІ, фармуе агульны партрэт студэнта і можа прывесці да дэпартацыі.
У завяршэнне сустрэчы студэнтаў заклікалі не заставацца абыякавымі і своечасова паведамляць пра факты правапарушэнняў. Прафілактычнае мерапрыемства прайшло прадуктыўна, студэнты атрымалі канкрэтныя адказы на хвалюючыя іх пытанні.
