6 мая Дзяржаўны камітэт па маёмасці Рэспублікі Беларусь (Дзяржмаёмасць) правёў пасяджэнне навукова-тэхнічнага савета секцыі па геадэзіі і картаграфіі, у якім прыняў удзел прафесар кафедры «Геадэзія і аэракасмічныя геатэхналогіі» факультэта транспартных камунікацый, доктар навук, вядучы эксперт у галіне геадэзіі Падшывалаў Уладзімір Паўлавіч.
У ходзе сустрэчы абмяркоўваліся ключавыя пытанні развіцця галіны:
мадэрнізацыя сістэм каардынат: краіна пераходзіць на дзяржаўную геацэнтрычную сістэму каардынат 2020 года, якая гарманізавана з міжнароднай сістэмай ITRS на эпоху 1 студзеня 2020 года;
увядзенне новай сістэмы нармальных вышынь замест Балтыйскай сістэмы вышынь 1977 года. Укараняецца адзіная сістэма нармальных вышынь, пабудаваная на аснове сучаснага гравітацыйнага поля Зямлі. Зацверджаны дзяржаўная сістэма адліку паскарэнняў сілы цяжару 2020 года і нацыянальная мадэль квазігеоіда, якая забяспечвае карэктную сувязь паміж планавымі каардынатамі і вышынямі.
Яшчэ адным важным напрамкам названа фарміраванне дзяржаўнай атласнай інфармацыйнай сістэмы «Нацыянальны атлас Беларусі» — сучаснай вэб-платформы для цэнтралізаванага захоўвання, актуалізацыі, пошуку і аператыўнага прадастаўлення картаграфічных даных карыстальнікам.
