17 красавіка прадстаўнікі факультэта горнай справы і інжынернай экалогіі сустрэліся з навучэнцамі старэйшых класаў, у тым ліку, інжынернай накіраванасці, сярэдняй школы імя Г.І. Шавякова г.п. Рось і расказалі аб перспектывах працаўладкавання пасля заканчэння ўніверсітэта па спецыяльнасцях горназдабыўной галіны.
Для даведкі: горназдабыўная прамысловасць Гродзенскай вобласці спецыялізуецца на здабычы нярудных матэрыялаў, мелу, глін і пяскоў. Ключавым прадпрыемствам з'яўляецца ААТ "Краснасельскбудматэрыялы" (Ваўкавыскі раён), якое забяспечвае сыравінай цэментную галіну. Таксама развіта здабыча торфу і пясчана-жвіровых матэрыялаў у рэгіёне.
У рамках сустрэчы дацэнт кафедры "Інжынерная экалогія" Стралкова Алена Уладзіміраўна паглыбіла веды дзяцей у галіне інжынернай экалогіі, разгледзеўшы пытанні перапрацоўкі тэхнічных цвёрдых адходаў, акцэнтаваўшы ўвагу на ўдзел Беларусі ў вырашэнні сусветных экалагічных праблем і падпісанні пагадненняў па выкананні экалагічных норм. Школьнікам таксама былі прадстаўлены асноўныя напрамкі работы па прафесіі інжынер-эколаг ад падрыхтоўкі тэхнічнай дакументацыі да палявых і лабараторных даследаванняў. Выкладчыца кафедры «Горныя працы» Лук'янава Ганна Андрэеўна расказала дзецям больш пра магчымасці паступлення і навучання ў БНТУ. Студэнты факультэта Сямашка Аляксандра, Кашкоў Аляксандр і Жулего Арцём правялі для хлопчыкаў і дзяўчынак гульню «Пытанне-адказ», падчас якой удзельнікі адказвалі на падрыхтаваныя пытанні для ўмацавання атрыманых ведаў.
Жадаем школьнікам цікавых адкрыццяў і дасягненні ўсіх пастаўленых мэт.
