У панядзелак, 30 сакавіка, выкладчыкі-стажоры Марыя Шукала (факультэт горнай справы і інжынернай экалогіі) і Дарыя Паўловіч (факультэт тэхналогій кіравання і гуманітарызацыі) правялі прафарыентацыйнае мерапрыемства ў сярэдняй школе №16 г. Мінска.
Больш за 80 вучняў з 10-х і 11-х класаў атрымалі магчымасць пазнаёміцца з гісторыяй самага буйнога тэхнічнага універсітэта Беларусі, даведацца пра адметныя асаблівасці факультэтаў, атрымаць актуальную інфармацыю аб прахадных балах і запрашэнне на дзень адчыненых дзвярэй, здзейсніць віртуальную 3D-экскурсію па галоўным корпусе універсітэта.
Таксама быў падрыхтаваны інтэрактыўны квіз “Прафарыентацыя”, падчас якога навучэнцы атрымалі рэкамендацыі наконт спецыяльнасцей, якія ім падыходзяць, у залежнасці ад таго, на пытанні з якіх навуковых абласцей яны давалі найбольш дакладныя адказы.
Сустрэча выйшла ажыўленай і прадуктыўнай, вучні старэйшых класаў з цікавасцю даведваліся пра дарогі сваёй прафесійнай будучыні, якія адкрываюцца прама на іх вачах.
«Я шчаслівая быць карыснай, і, магчыма, нават гэтая кароткая сустрэча, у адпаведнасці з «эфектам матылька», зверне погляды прадстаўнікоў падрастаючага пакалення да святла ведаў, а гэта, у сваю чаргу, зменіць да лепшага жыцця іншых людзей вакол, якія будуць ісці па мосце, ехаць па шашы, любавацца архітэктурай горада і даведвацца пра яе. – падсумавала мерапрыемства Марыя Шукала.
