Сёння, 13 сакавіка 2026 года, у Беларускім нацыянальным тэхнічным універсітэце адбылася дыялогавая пляцоўка, накіраваная на прафілактыку ўчынення правапарушэнняў сярод замежных студэнтаў. У якасці спікера на сустрэчу была запрошана намеснік начальніка ўпраўлення па грамадзянстве і міграцыі ГУУС Мінгарвыканкама Вольга Салаўёва.
Сустрэча была арганізавана з мэтай нагадаць замежным студэнтам аб адказнасці за адміністрацыйныя правапарушэнні і крымінальныя злачынствы. На прыкладах з практыкі дзецям растлумачылі, як неабходна дзейнічаць, калі знайшоў чужую згубленую рэч, як засцерагчы сябе ў інтэрнэце і не патрапіць на хітрыкі ашуканцаў, а таксама як важна выконваць правілы дарожнага руху.
Акрамя таго, Вольга Салаўёва нагадала аб працэдуры адкрыцця і прадаўжэння візы, афармленні дакументаў пры выездзе на канікулы. Акцэнтавала ўвагу на неабходнасці захавання правілаў унутранага распарадку ва ўніверсітэце і інтэрнатах.
На заканчэнне сустрэчы намеснік начальніка ўпраўлення заклікала маладых людзей не забывацца, што ў Беларусь яны прыбылі з мэтай атрымання адукацыі, а любыя правапарушэнні могуць гэтаму перашкодзіць і сапсаваць усе планы на будучыню.
- Калі мы выбіралі краіну для атрымання адукацыі, улічвалі адну з галоўных пераваг, якія вылучаюць Беларусь, - гэта бяспека краіны. Тут мы пачуваемся спакойна, і нашыя родныя за нас не хвалююцца. Але мы разумеем, што мы, гэтак жа як і астатнія жыхары і госці краіны, павінны строга выконваць усе законы, каб і далей гэтая цудоўная краіна заставалася спакойнай і гасціннай, - падзяліліся хлопцы з Кітая Ху Цзяньдун і Лю Сінбан.
