Першы дзень вясны ў 2026 годзе студэнты інжынерна-педагагічнага факультэта запомняць надоўга, бо менавіта 1 сакавіка прафкам студэнтаў факультэта арганізаваў для хлопчыкаў і дзяўчынак займальнае падарожжа ў музейны комплекс старадаўніх народных рамёстваў і тэхналогій “Дудуткі”.
Да ведама: музейны комплекс «Дудуткі» знаходзіцца за 40 км ад Мінска, у Пухавіцкім раёне. Размешчаны ў маляўнічым месцы побач з ракой Пціч за паўтара кіламетра ад вёскі Дудзічы.
Раніцай студэнты выехалі з інтэрната №16 насустрач сапраўднай казцы. У комплексе хлопчыкаў і дзяўчынак падзялілі на каманды, і экскурсаводы пачалі свае праграмы.
Увесь комплекс змяшчае невялікія майстэрні, і кожны змог знайсці сабе справу па душы. Першым прыпынкам была гліняная майстэрня, дзе майстар паказаў і зрабіў разам са студэнтамі гліняны гаршчок. Затым была майстэрня ткацтва. Маладым людзям расказалі, як раней жанчыны пралі, а майстар Сяргей паказаў работу за ткацкім станком.
Яркае сонца, прыемны мядовы пах і нязгасны энтузіязм студэнтаў прывёў іх у наступную майстэрню бортніцтва. Следам хлопцы адправіліся ў пякарню, дзе паспрабавалі хлеб і сыр, які вырабляецца прама ў «Дудутках».
Асабліва спадабалася навучэнцам наступны прыпынак - гамарня. Дыяна Лазюк нават паспрабавала сябе ў ролі чалядніка. Яна разам з майстрам Ігарам вырабіла маленькі сувенір на шчасце - падкову. Студэнты таксама пакаталіся на павозцы, кіравала якой Глорыя - 12-гадовы конь, пагладзілі даўгавухага асла Фёдара і прадэгуставалі мноства старабеларускіх страў.
- Мы вельмі рады, што ў першы дзень вясны такое сонечнае надвор'е. Вядома ж, засталіся ў захапленні пасля наведвання музейнага комплекса. У кожнай майстэрні адчуваецца тое, з якой цеплынёй і ўвагай працуе майстар. Больш за ўсё нам спадабалася вялізная колькасць жывёл на тэрыторыі «Дудудок». Абавязкова прыедзем яшчэ, - падзяліліся студэнты.
Тры гадзіны экскурсіі прайшлі неўзаметку. У завяршэнне ў студэнтаў быў час на свабоднае наведванне майстэрняў і кафэ, якія найбольш спадабаліся. Кожны з'ехаў з комплексу з памятным сувенірам.
Факультэт дзякуе арганізатарам паездкі і хлопцам за радасныя і незабыўныя эмоцыі, а таксама за атмасферныя і жывыя фатаграфіі.
