У суботу, 21 лютага 2026 года, у Віцебску прайшло свята нацыянальнай творчасці «Э.Т.Н.О.»: энергія традыцый – спадчына грамадства», прымеркаванае да Міжнароднага дня роднай мовы. Арганізатарам выступіў цэнтр культуры "Віцебск".
Мэтай мерапрыемства было стварэнне творчай пляцоўкі для прэзентацыі багацця і ўнікальнасці родных моў і культур народаў. На свяце сабраліся юнакі, якія прыехалі вучыцца ў нашу краіну з Індыі, Шры-Ланкі, Кітая і Нігерыі.
Праграма свята была вельмі разнастайнай: працавалі інтэрактыўныя пляцоўкі, праводзіліся майстар-класы па народных рамёствах і традыцыйных мастацтвах, а кульмінацыяй стаў маляўнічы гала-канцэрт, на якім выступілі беларускія і замежныя студэнты.
Студэнт факультэта міжнароднага супрацоўніцтва з Дэмакратычнай Рэспублікі Конга Кіталана Бені прыняў удзел у канцэрце, выступіўшы з песняй Parfum qui chante на французскай мове. «Гэтая кампазіцыя напісана кангалезскай госпел-групай, – паляліўся Бені. – Я абраў яе, таму што вельмі люблю менавіта хрысціянскую музыку».
Усе госці мерапрыемства змаглі акунуцца ў атмасферу творчасці: праяўлялі сябе ў майстар-класах, слухалі вершы і песні, знаёміліся з нацыянальнымі рамёствамі.
Напрыканцы свята ўдзельнікі былі ўзнагароджаны сертыфікатамі і памятнымі сувенірамі.
