24 кастрычніка студэнты 1-га курса і магістранты ФМС адправіліся на экскурсію ў Нацыянальную бібліятэку Беларусі. Для многіх з дзяцей гэта быў першы візіт у бібліятэку, якая не толькі захоўвае мільёны кніг, але і з'яўляецца сімвалам нацыянальнай спадчыны.
Студэнты даведаліся пра тое, як бібліятэка была заснавана ў 1922 годзе і як яна трансфармавалася ў сучасны шматфункцыянальны комплекс, які аб'ядноўвае традыцыйныя і лічбавыя рэсурсы. Падчас экскурсіі студэнты наведалі чытальныя залы, электронныя каталогі, музей кнігі і выставачныя прасторы. Ім распавялі пра рэдкія выданні, якія захоўваюцца ў фондах, а таксама пра магчымасці, якія бібліятэка дае для навуковай працы і самаадукацыі.
Некаторыя хлопцы нават выказалі жаданне аформіць чытацкі білет і пачаць карыстацца рэсурсамі бібліятэкі для падрыхтоўкі да заняткаў і вывучэння беларускай культуры.
