4 кастрычніка кітайскія магістранты наведалі Бабруйскі аэраклуб. Хлопцы даведаліся пра гісторыю аэраклубаў ДТСААФ у Беларусі, пазнаёміліся з вопытнымі інструктарамі і спартсменамі-парашутыстамі, паглядзелі, як спартсмены трэніруюцца ў дысцыпліне скачкі на дакладнасць прызямлення, а самае галоўнае - упершыню падняліся ў неба на вышыню 2500 метраў на легендарным самалёце Ан-2 і здзейснілі свой першы скачок у тандэме.
Паўхвіліны вольнага падзення (і ў гэты час тандэм-майстар разам з тандэм-пасажырам выконваюць акрабатычныя элементы, напрыклад, сальта), потым - раскрыццё купала і магчымасць самастойна пакіраваць парашутам пад кантролем інструктара, а ў канцы - мяккае прызямленне.
Эмоцый было шмат, сэрца біліся часцей, а вочы гарэлі!
