У адпаведнасці з Указам Прэзідэнта Рэспублікі Беларусь з 2021 года ў нашай краіне зацверджана новае дзяржаўнае свята – Дзень народнага адзінства. Яно адзначаецца 17 верасня. Дата мае невыпадковы характар: менавіта гэты дзень стаў актам гістарычнай справядлівасці ў дачыненні да беларускага народа, падзеленага супраць яго волі ў 1921 годзе ва ўмовах Рыжскага мірнага дагавора, і назаўсёды замацаваўся ў нацыянальнай гістарычнай традыцыі. Паход Чырвонай Арміі ў Заходнюю Беларусь меў для беларускага народа вялікае значэнне, паколькі аб’яднанне ўсходніх і заходніх тэрыторый у адзінай дзяржаве стварала перадумовы для будаўніцтва новага жыцця.
Напярэдадні свята традыцыйна па ўсёй краіне праводзіцца акцыя – напісанне Рэспубліканскага дыктанта “Дзень народнага адзінства”. 16 верасня 2025 года ў гэтым мерапрыемстве прынялі ўдзел студэнты і выкладчыкі Беларускага нацыянальнага тэхнічнага ўніверсітэта. Каля 160 студэнтаў МТФ, МБФ, ФТКГ, ІПФ, ФЭБ напісалі дыктант, тэкст якога прысвечаны гістарычным падзеям, якія прывялі да аб’яднання Заходняй і Усходняй Беларусі ў 1939 годзе.
Правяралі работы выкладчыкі кафедры “Беларуская і руская мовы” ФМС.
Выражаем падзяку ўсім удзельнікам Рэспубліканскага дыктанта! Віншуем пераможцаў – студэнтаў, якія напісалі работу на “9” або “10” балаў!
Спіс пераможцаў:
