У дзень 30-годдзя прыняцця Асноўнага Закона, 15 сакавіка, у Ліцэі БНТУ прайшла ўрачыстая лінейка, прысвечаная Дню Канстытуцыі Рэспублікі Беларусь.
Для актуалізацыі ведаў прысутных вядучыя Ян Сакалоўскі і Адэлаіда Усціновіч (11«Г») зачыталі тэкст, з якога пачынаецца Канстытуцыя Рэспублікі Беларусь: «Мы, народ Рэспублікі Беларусь...».
Дырэктар ліцэя Галіна Аксенеўна Голяш павіншавала ўсіх са знамянальным юбілеем. Памочнік сакратара пярвічнай арганізацыі ГА «БРСМ» БНТУ Вікторыя Сяргееўна Скобля ўручыла 35 юнакам і дзяўчатам маладзёжныя білеты. З іх атрыманнем ліцэісты сталі паўнапраўнымі чальцамі самай масавай моладзевай арганізацыі.
Намеснік дырэктара па выхаваўчай рабоце Кацярына Пятроўна Шаванава ўручыла граматы Эдуарду Карповічу і Арцёму Чабрыцкаму, навучэнцам 10 "Б" і 10 "Г" класаў, за актыўны ўдзел у рэспубліканскім праекце "Дацягніся да мары!" (конкурс відэа з выкананнем практыкавання "падцягванне на перакладзіне").
Мерапрыемства, прысвечанае Дню Канстытуцыі Рэспублікі Беларусь, суправаджалася ўрачыстым цырыманіялам уносу і вынасу Дзяржаўнага флага Рэспублікі Беларусь знаменнай групай ліцэя.
У канцы па традыцыі ўсё выканалі гімн Ліцэя БНТУ.
