13 красавіка 2023 года група магістрантаў 50901322 ІПФ Беларускага нацыянальнага тэхнічнага ўніверсітэта пад кіраўніцтвам выкладчыка кафедры “Беларуская і руская мовы” Лемяшэўскай Вольгі Балеславаўны наведала два музеі.
Дзяржаўны музей прыроды і экалогіі Рэспублікі Беларусь прапанаваў увазе экспанаты са свету жывёл і раслін, што дазволіла магістрантам пазнаёміцца з таямніцамі прыроды і яе разнастайнасцю відавага складу. У час экскурсіі навучэнцы мелі магчымасць чуць галасы звяроў і птушак у запісе і маглі вывучаць іх анатомію па прапанаваных экспанатах.
Нацыянальны гістарычны музей Рэспублікі Беларусь адкрыў магістрантам гісторыю Беларусі са старажытных часоў да пачатку ХХ стагоддзя. Аглядная экскурсія па пастаянных і часовых выставах дапамагла магістрантам атрымаць базавыя веды і глыбей зразумець гісторыю Беларусі, разгледзеўшы многія экспанаты з усіх бакоў. У выніку, магістранты даведаліся многа новага і цікавага аб прыродзе і гісторыі краіны, у якой яны вучацца.
