Яшчэ на двары кастрычнік…
А для ўсіх навучэнцаў 4 курса будаўнічага аддзялення набліжэнне гарачай пары — апошняй сесіі. У філіяле кіпіць вучэбны працэс, навучэнцы актыўна рашаюць, чэрцяць, выконваюць і абараняюць работы, курсавыя праекты.
Яшчэ наперадзе выкананне і абарона дыпломнага праекта, але многія ўжо вырашылі, дзе хочуць працаваць ці працягваць вычыцца, а нехта ў пошуку.
Каб навучэнцы лепш разумелі і не сумняваліся ў сваім выбары, дэкан будаўнічага факультэта БНТУ, кандыдат тэхнічных навук,Коўшар Сяргей Мікалаевіч сустрэўся з выпускнымі групамі. Сяргей Мікалаевіч растлумачыў змены ў Кодэксе Рэспублікі Беларусь аб адукацыі, таксама расказаў аб зменах тэрмінаў навучання па спецыяльнасці «Будаўніцтва будынкаў і збудаванняў» і аб магчымасцях такіх змен, ахвотна падзяліўся вопытам правядзення ўступных іспытаў у перыяд работы прыёмнай камісіі па дадзенай спецыяльнасці па дысцыпліне «Будаўнічыя матэрыялы і вырабы». Былі закрануты пытанні спрашчэння сістэмы паступлення нашых выпускнікоў у БНТУ.
Навучэнцам былі прапанаваны і новыя спецыяльнасці, на якія яны змогуць паступіць пасля заканчэння нашага філіяла. Таксама дэкан будаўнічага факультэта парадаваў нашых навучэнцаў тым, што паабяцаў хутка зноў сустрэцца,каб падзяліцца новаўвядзеннямі ў Правілах прыёму і падрабязней расказаць аб асаблівасцях вучобы ва ўніверсітэце.
Навучэнцы задавалі пытанні, якія іх цікавілі, таму што многія ўжо вырашылі працягнуць навучанне ў БНТУ.
