З 28 жніўня па 2 верасня 2022 года ў Балгарыі на базе гарналыжнага курорта «Баравец» праводзіўся 20-й чэмпіянат свету па спартыўнай радыёпеленгацыі – XX IARU ARDF WORD Championships. У спаборніцтвах прынялі ўдзел 227 спартсменаў з 21 краіны. Удзельнікі спаборнічалі на дыстанцыях Sprint, Classic 1, Classic 2 і Foxoring у розных узроставых катэгорыях (ад 19 да 70 гадоў).
Рэспубліку Беларусь у складзе зборнай каманды на гэтых спаборніцтвах прадстаўляў студэнт спартыўна-тэхнічнага факультэта Беларускага нацыянальнага тэхнічнага ўніверсітэту Алег Томашаў (гр. 11904120).
У гонцы Classic 1 беларускім хлопцам крыху не хапіла да перамогі ў асабістым заліку, але ў камандным заліку ў катэгорыі М19 Алег Томашаў разам з Сяргеем Жылінскім заняў другое месца. У гонцы Foxoring у катэгорыі М19 з вынікам 46,36 Алег стаў чэмпіёнам свету!
Віншуем Алега! Жадаем яму поспехаў у вучобе і спорце!
