Кафедра "Тактыка і агульнаваенная падрыхтоўка" з'яўляецца вядучым навукова-педагагічным падраздзяленнем ваенна-тэхнічнага факультэта: ажыццяўляе падрыхтоўку кадравых афіцэраў па ўсіх спецыяльнасцях. Кафедра лічыцца адной з лепшых на ваенна-тэхнічным факультэце па стане матэрыяльна-тэхнічнай базы, аснашчэнні сучаснымі тэхналогіямі навучання, па ўкараненні ў адукацыйны працэс камп'ютарных тэхналогій.

У вучэбна-выхаваўчым працэсе выкарыстоўваюцца сучаснае ўзбраенне і спецыяльная тэхніка, прыборы і абсталяванне, спецыялізаваныя аўдыторыі і лабараторыі, камп'ютарныя класы, аснашчаныя сучаснымі ПЭВМ, разнастайныя тэхнічныя сродкі навучання, электронныя навучальныя і тэсціруючыя праграмы па ўсіх дысцыплінах, тэхнічная бібліятэка. Ёсць таксама багаты навуковы патэнцыял і сучасная навучальна-лабараторная база ўніверсітэта.

Акрамя таго, кафедра рыхтуе кадравых афіцэраў па спецыяльнасці "Будаўніцтва будынкаў і збудаванняў", у рамках прафілізацыі "Прамысловае і ваеннае будаўніцтва", кваліфікацыя: інжынер-будаўнік. Падрыхтоўка ваенных спецыялістаў праходзіць у інтарэсах Міністэрства абароны РБ, Міністэрства ўнутраных спраў РБ, Дзяржаўнага пагранічнага камітэта РБ і Камітэта дзяржаўнай бяспекі РБ.

Сфера дзейнасці - праектаванне, будаўніцтва і эксплуатацыя будынкаў і збудаванняў рознага прызначэння.

Прафесійныя задачы:

• арганізацыя і кіраванне вытворчымі працэсамі ўзвядзення будынкаў і збудаванняў рознага прызначэння;
• распрацоўка тэхнічнай дакументацыі на вытворчасць будаўніча-мантажных работ;
• праектаванне будынкаў і збудаванняў і распрацоўка арганізацыйна-тэхналагічнай дакументацыі;
• удасканаленне і аптымізацыя тэхналогій вытворчасці будаўніча-мантажных работ;
• разлік тэхніка-эканамічных параметраў вытворчай дзейнасці;
• тэхнічная эксплуатацыя будынкаў і збудаванняў;
• арганізацыя кватэрна-эксплуатацыйнага забеспячэння.

Службовае прызначэнне:

начальнік кватэрна-эксплуатацыйнай службы.

Высокі ўзровень падрыхтоўкі, добрыя веды і ўменні паказваюць нашы выпускнікі ў паўсядзённай жыццядзейнасці войскаў і падчас вайсковых вучэнняў - гэта вынік усяго калектыва кафедры.

Навучанне на кафедры па спецыяльнасці «Прамысловае і грамадзянскае будаўніцтва» - гэта магчымасць знайсці для сябе годную прафесію, атрымаць якасную, прычым, што немалаважна, бясплатную вышэйшую адукацыю і поўнае дзяржаўнае забеспячэнне на час навучання, гарантаванае працаўладкаванне пасля заканчэння вучобы, годную аплату сваёй працы.

За гады сваёй дзейнасці кафедрай падрыхтавана больш за 50 афіцэраў для Узброеных Сіл і іншых сілавых ведамстваў краіны, 1 чалавек скончыў кафедру з залатым медалём, 3 чалавекі атрымалі дыплом з адзнакай.

Выпускнікі, якія маюць схільнасць да навуковай дзейнасці, маюць магчымасць прадоўжыць навучанне ў магістратуры і ад'юнктуры.

ЭКАНАМІСТ-МЕНЕДЖАР

Спецыяльнасць:

6-05-0311 « Эканоміка і кіраванне»

Прафілізацыя:

6-05-0311-02 « Фінансавае забеспячэнне і эканоміка баявой і гаспадарчай дзейнасці войскаў »

Кваліфікацыя «Эканаміст. Мэнэджар»

На кафедры "Арганізацыя фінансавай дзейнасці войскаў" ажыццяўляецца падрыхтоўка спецыялістаў для фінансавых органаў Узброеных Сіл і іншых воінскіх фарміраванняў Рэспублікі Беларусь. Змест навучання характарызуюцца высокай практыкаарыентаванасцю, выкарыстаннем спецыялізаваных праграмных тэхналогій, насычанасцю практычнымі заняткамі і практыкамі ў войсках.

Тэрмін навучання: 4 гады

Сфера дзейнасці - фінансавае забеспячэнне мерапрыемстваў, якія праводзяцца ў воінскай часці.

Ваенна-прафесійныя задачы:

• кіраванне фінансавым планаваннем;
• забеспячэнне эфектыўнага выкарыстання фінансавых рэсурсаў;
• арганізацыя і правядзенне разлікаў з персаналам;
• маніторынг і эканамічны аналіз вынікаў фінансавай дзейнасці;
• вядзенне фінансавага ўліку, складанне справаздачнасці;
• распрацоўка прапаноў па аптымізацыі фінансавага забеспячэння.

Службовае прызначэнне:

• начальнік фінансавай службы асобнага батальёна, базы;
• памочнік начальніка фінансавай службы палка, брыгады;
• афіцэр (старэйшы афіцэр) фінансава-эканамічнага кіравання.

ІНЖЭНЕР

Спецыяльнасць: 6-05-0715 "Эксплуатацыя наземных транспартных і тэхналагічных машын і комплексаў"

Прафілізацыя: 6-05-0715-07 «Дарожна-будаўнічыя машыны і абсталяванне спецыяльнага прызначэння»

Падрыхтоўку курсантаў ажыццяўляе кафедра "Ваенна - інжынерная падрыхтоўка".

Кафедра рыхтуе кадравых афіцэраў па спецыяльнасці "Эксплуатацыя наземных транспартных і тэхналагічных машын і комплексаў", у рамках прафілізацыі "Дарожна-будаўнічыя машыны і абсталяванне спецыяльнага прызначэння", кваліфікацыя: інжынер. Курсанты атрымліваюць сучасныя веды ў сферах дзейнасці: кіраванне асабовым складам падраздзялення інжынерных войскаў, арганізацыя выканання задач інжынернага забеспячэння, эксплуатацыя сродкаў інжынернага ўзбраення, навучанне асабовага складу. Матэрыяльна - тэхнічная база дазваляе якасна, на сучасным узроўні арганізаваць падрыхтоўку спецыялістаў.

Апроч тэарэтычнай і практычнай падрыхтоўкі курсантаў на кафедры, падрыхтоўка ўдасканальваецца на практыках і стажыроўках.

У адукацыйным працэсе выкарыстоўваюцца сучасныя сродкі інжынернага ўзбраення, прыборы і абсталяванне, спецыялізаваныя аўдыторыі і лабараторыі, камп'ютарныя класы, аснашчаныя сучаснымі ПЭВМ, разнастайныя тэхнічныя сродкі навучання, электронныя навучальныя і тэсціруючыя праграмы, электронныя трэнажоры па ўсіх дысцыплінах.

Тэрмін навучання - 4 гады.

Сфера дзейнасці:

• кіраванне;
• будаўніцтва;
• выбуховыя працы;
• вадалазныя спускі;
• работа з выбухованебяспечнымі прадметамі;
• энергетыка;
• экалогія.

Прафесійныя задачы:

• кіраванне падраздзяленнямі інжынерных войскаў і будаўнічымі арганізацыямі;
• праектаванне і эксплуатацыя інавацыйнай тэхнікі для будаўнічага комплексу;
• вядзенне разведкі;
• будаўніцтва дарог і мастоў;
• эксплуатацыя электраўстановак;
• пошук і абясшкоджванне выбуханебяспечных прадметаў;
• выкананне вадалазных работ;
• выкананне будаўніча-земляных работ;
• выкананне маскіроўкі і імітацыі аб'ектаў і тэхнікі;
• праверка якасці і ачыстка вады.

Службовае прызначэнне:

• камандзір інжынерных падраздзяленняў (груп) Узброеных Сіл, Дзяржаўнага пагранічнага камітэта, Міністэрства ўнутраных спраў, Камітэта дзяржаўнай бяспекі;
• кіраўнік будаўнічых, транспартных і лагістычных арганізацый;
• інжынерны і кіроўчы персанал дарожна-будаўнічых кампаній;

Спецыяльнасць:

6-05-0715 « Эксплуатацыя наземных транспартных і тэхналагічных машын і комплексаў »

Прафілізацыя:

6-05-0715-07 « Эксплуатацыя і рамонт шматмэтавых гусенічных і колавых машын »

Кваліфікацыя « Інжынер »

На кафедры «Бранетанкавае ўзбраенне і тэхніка» ажыццяўляецца падрыхтоўка спецыялістаў для праходжання ваеннай службы ў танкавых, механізаваных воінскіх часцях і падраздзяленнях. Выкладанне дысцыплін вядзецца з выкарыстаннем найноўшых тэхналогій. Усе дысцыпліны забяспечаны неабходнай літаратурай, электроннымі метадычнымі комплексамі.

Тэрмін навучання: 4 гады

Сфера дзейнасці:

кіраванне падраздзяленнямі па эксплуатацыі (рамонце) бранятанкавага ўзбраення і тэхнікі;

арганізацыя эксплуатацыі і рамонту бранятанкавага ўзбраення і тэхнікі.

Ваенна-прафесійныя задачы:

• арганізацыя эксплуатацыі бранятанкавага ўзбраення і тэхнікі;
• аднаўленне бранятанкавага ўзбраення і тэхнікі;
• распрацоўка і даследаванне мабільных машын;
• распрацоўка канструктарскай і тэхналагічнай дакументацыі, камп'ютарнае мадэляванне;
• распрацоўка аўтаматызаваных сістэм праектавання мабільных машын;
• праектаванне і распрацоўка спецыяльных гусенічных і колавых машын.

Службовае прызначэнне:

• намеснік камандзіра роты па ўзбраенні;
• начальнік (памочнік начальніка) бранятанкавай службы воінскай часці.