28.05.2026 на базе ўпраўлення культуры адбыўся невялікі святочны канцэрт, прымеркаваны нядаўна прайшоўшаму святу – Дню Афрыкі.
Замежныя навучэнцы з Рэспублікі Зімбабвэ, Дэмакратычнай Рэспублікі Конга і Федэратыўнай Рэспублікі Нігерыі падрыхтавалі для гледачоў творчыя нумары: хлопцы спявалі любімыя песні, танцавалі і гралі на музычных інструментах, зараджаючы ўсіх прысутных выдатным настроем і энергіяй!
Пачаўся канцэрт з песні «You Raise Me Up» у выкананні Мапензі Кіталана Бені, які заваяваў слухачоў сілай свайго голасу і высокімі нотамі. Пасля гэтага загучаў аўтарскі рэп на французскай ад Казадзі Кабея Жымі, які піша песні самастойна, складаючы тэксты пра Бога, пра жыццё і, вядома, пра каханне. Жымі выканаў дзве кампазіцыі: «Vanité» і «Колер».
Наступным нумарам быў дуэт Басопа Танацва Ніколь і Ізебеафе-Абачэ Трэжэ Анурыма з кампазіцыяй «А Thousand Years». Пад акампанемент Анурима, які сыграў на фартэпіяна, Ніколь пранікнёна выканала гэтую песню. Пасля гэтага Бені праспяваў ужо аўтарскую песню пад гітару, а Анурым сыграў на саксафоне.
Студэнты і слухачы падрыхтоўчага аддзялення Нхідзіры Нокутэнда, Мандэмба Мунашэ, Басопа Танацва Ніколь, Кіла Люсіле Мэцью, Чыгідзі Тадзіванашэ, Мухасі Фараі, Муропа Мунопа Атвелл выступілі з вельмі яркім нумарам: танцавальна-вакальнае папуры пад запальныя матывы. Скончыўся канцэрт песняй «Waka Waka», пад якую танцавалі ўсе ўдзельнікі мерапрыемства. У канцы хлопцы рабілі памятныя фатаграфіі і дзяліліся сваімі эмоцыямі!
Мерапрыемства стала сапраўдным святам дружбы, адзінства і культурнай разнастайнасці. Канцэрт, прымеркаваны да Дня Афрыкі, яшчэ раз нагадаў, што музыка і танец, талент і шчырасць нашых замежных студэнтаў здольныя аб'яднаць любыя сэрцы.
