04.12.2025 студэнты ФМС і слухачы ПА у рамках тыдня валанцёрства ў БНТУ наведалі пункт часовага ўтрымання жывёл «Фаўна горада».
Хлопцы пазнаёміліся з яго насельнікамі, прывезлі корм і цацкі, прайшліся па ўсёй тэрыторыі, паслухалі гісторыі ад работнікаў, даведаліся пра няпростыя лёсы жывёл, якія апынуліся ў прытулку, і пра тое, як супрацоўнікі штодня змагаюцца за іх здароўе і шанец здабыць новы дом.
Студэнты не толькі аказалі матэрыяльную дапамогу, але і падарылі гадаванцам увагу і ласку. Гэты вопыт стаў для іх важным урокам чалавечнасці і адказнасці. Важна памятаць, што нават невялікія крокі могуць прыносіць карысць.
