Адным з актуальных навукова-тэхнічных напрамкаў пры праектаванні сучасных горных машын і абсталявання з'яўляецца даследаванне пнеўматранспартных установак. У рамках праграмы Школы «Юны Гарняк» факультэта горнай справы і інжынернай экалогіі старшы выкладчык кафедры «Горныя машыны» Рыгор Антановіч Басалай паказаў хлопчыкам і дзяўчынкам з інжынернага класа сярэдняй школы №108 г. Мінска (http://sch108.minsk.edu.by/) прынцыповую ўстаноўку па вывучэнні работы аэрадынамічных уласцівасцей. Школьнікі вучыліся вызначаць дынамічную раўнавагу цвёрдых часціц матэрыялу ва ўзыходзячай плыні, разглядалі асаблівасці працы пнеўмацыклонаў.
Атрыманыя веды юныя даследчыкі ў далейшым плануюць прымяняць для распрацоўкі новых ідэй з выкарыстаннем накіраванага руху паветранага патоку.
Школа Юных (https://bntu.by/faculties/fgde/pages/shkola-yunyh) на факультэце горнай справы гэта не толькі магчымасць дакранання да рэальнай інжынернай навукі, але і ідэйнае натхненне для будучых адкрыццяў.
