9 кастрычніка замежныя слухачы падрыхтоўчага аддзялення факультэта міжнароднага супрацоўніцтва БНТУ наведалі выставу EnergyExpo 2025, якая праходзіць у Мінску з 7 па 10 кастрычніка. Гэта дало ім унікальную магчымасць пагрузіцца ў свет сучасных тэхналогій і інавацый у галіне энергетычнай і экалагічнай сферах, а таксама спрыяла паляпшэнню іх моўных навыкаў.
Падчас візіту яны азнаёміліся з экспазіцыямі больш за 200 кампаній-удзельнікаў, кія дэманстравалі новыя распрацоўкі ў сферы энергазберажэння і экалагічна чыстых тэхналогій. Яны даведаліся пра сучасныя рашэнні, якія прымяняюцца ў энергетычным сектары, і атрымалі ўяўленне пра тэндэнцыі і выклікі, якія стаяць перад гэтай сферай.
Замежныя слухачы падрыхтоўчага аддзялення ФМС прынялі ўдзел у розных інтэрактыўных мерапрыемствах, прапанаваных рознымі стэндамі. Яны таксама наведалі стэнд БНТУ, дзе прадстаўнікі энергетычнага факультэта расказалі пра перавагі спецыяльнасці і магчымасці, якія адкрываюцца перад выпускнікамі. Слухачы атрымалі інфармацыйныя буклеты, якія ў далейшым дапамогуць ім зрабіць усвядомлены выбар будучай прафесіі.
Для слухачоў форум стаў важнай часткай адукацыйнай праграмы, якая спрыяе культурнаму абмену і паглыбленню ведаў пра магчымасці краіны, у якой яны вучацца.
