У інтэрнаце філіяла БНТУ «Мінскі дзяржаўны архітэктурна-будаўнічы каледж» стала добрай традыцыяй праводзіць вясеннія суботнікі. Таму сёння навучэнцамі была прыбрана тэрыторыя вакол інтэрната і спартыўнай пляцоўкі.
Сапраўды, сумесная праца не толькі аб’ядноўвае, вучыць стасункам, дапамагаць адзін аднаму, прыносіць задавальненне і радасць, але і дапамагае фарміраваць асобу будучага грамадзяніна!
Суботнік прайшоў вельмі натхнёна і актыўна, усе былі поўныя запалу і жадання даглядаць сваю родную прыроду, якая акружае свет — гэта наш дом. І мы павінны падтрымліваць чысціню і парадак у ім!
