Учора 30 лістапада 2022 года адбылося паседжанне Беларускай асацыяцыі студэнцкага спорту (далей БАСС). На парадку дня сябры Выканкама БАСС разглядалі розныя пытанні, а таксама адбылося ўручэнне памятных падарункаў у гонар дзесяцігоддзя з дня заснавання Асацыяцыі.
За актыўны ўдзел у папулярызацыі фізічнай культуры і спорту сярод устаноў вышэйшай адукацыі Рэспублікі Беларусь і значны асабісты ўклад у развіццё галіны да ўзнагароды быў прадстаўлены намеснік Старшыні БАСС, прарэктар па вучэбнай рабоце БНТУ, майстар спорту міжнароднага класа, чэмпіён Еўропы па паўэрліфтынгу, доктар тэхнічных навук, прафесар Алег Канстанцінавіч Гусеў.
Старшыня БАСС Алімпійскі чэмпіён Аляксандр Віктаравіч Багдановіч, у сваёй віншавальнай прамове адзначыў: "Вы натхняеце маладое пакаленне сваім прыкладам і дапамагаеце адкрываць новыя гарызонты!".
