У рамках рэспубліканскай акцыі «Не прапальвай сваё жыццё» ў філіяле БНТУ «Мінскі дзяржаўны архітэктурна-будаўнічы каледж» адбылася сустрэча навучэнцаў са старэйшым інспектарам СПіУГ Партызанскага РАНС Паўлам Чарнабукам.
У ходзе сустрэчы прадстаўнік МНС нагадаў аб правілах пажарнай бяспекі, расказаў аб прычынах узнікнення большасці незвычайных сітуацый, звярнуў увагу на праблему гібелі людзей з-за неасцярожнага абыходжання з агнём пры курэнні. Асобна спыніўся на колькасці пажараў і гібелі людзей на іх у бягучым годзе.
Асаблівая ўвага была звернута на пажары ў жылым фондзе, а таксама элементарныя правілы бяспекі, якія неабходна захоўваць у паўсядзённым жыцці.
Павел Чарнабук прывёў канкрэтныя прыклады пажараў з гібеллю, расказаў аб тым, як неабходна дзейнічаць чалавеку ў выпадку ўзнікнення пажару або загарання.
Правёў з навучэнцамі віктарыну на папулярнай навучальнай платформе Kahoot.
У мерапрыемстве прыняла ўдзел інспектар па справах непаўналетніх Партызанскага РУУС г.Мінска лейтэнант міліцыі Марчанка Васіліса Уладзіміраўна. Яна правяла прафілактычную гутарку з навучэнцамі, у якой расказала аб адказнасці за ўжыванне алкагольных, слабаалкагольных напояў, піва, курэння тытунёвых вырабаў у забароненых месцах і іншыя правапарушэнні і злачынствы, якія здзяйсняюцца непаўналетнімі.
Сустрэча прайшла ў форме дыялогу. Навучэнцы мелі магчымасць задаць спецыялісту пытанні, якія іх цікавілі і атрымаць кваліфікаваны адказ.
