Кафедра : Мытная справа

Кафедра ўтворана ў 2004 годзе.

Загадчыкі кафедры:

• З 2004 па 2006 год в.а. загадчыка кафедры - кандыдат юрыдычных навук, прафесар, заслужаны юрыст Рэспублікі Беларусь, акадэмік міжнароднай акадэміі інфармацыйных тэхналогій, суддзя Канстытуцыйнага Суда Рэспублікі Беларусь Шышко Георгій Барысавіч .
• З 21.02.2006 г. па 22.02.2009 г. - кандыдат педагагічных навук, дацэнт Броўка Генадзь Міхайлавіч .
• З 2009 па 2010 год в.а. загадчыка кафедры - кандыдат эканамічных навук, дацэнт Майсеенка Яўген Рыгоравіч .
• З 2010 па 2016 год – кандыдат юрыдычных навук, дацэнт Сінькоў Барыс Барысавіч .
• З 2016 па 2023 год– доктар тэхнічных навук, дацэнт Галубцова Алена Станіславаўна .
• З 2023 - кандыдат эканамічных навук Мазанік Юлія Міхайлаўна.

Будучыя спецыялісты атрымліваюць веды ў галіне эканамічнага і правага забеспячэння мытнай дзейнасці, валютнага рэгулявання, інфармацыйных і мытных тэхналогій, мытнага афармлення і кантролю, асваення тэхнічных сродкаў мытнага кантролю як часткі мытнай інфраструктуры.

Выпускнікі спецыяльнасці "Мытная справа" маюць магчымасць працаваць спецыялістамі рознага ўзроўню ў сістэме Дзяржаўнага мытнага камітэта Рэспублікі Беларусь, а таксама спецыялістамі па мытным афармленні для суб'ектаў гаспадарання ў аддзелах знешнеэканамічнай дзейнасці.

Форма атрымання адукацыі: дзённая , бюджэт / платнае . Тэрмін навучання 4 гады.

Залічэнне праводзіцца па выніках цэнтралізаванага тэсціравання па рускай/беларускай мове, замежнай мове, матэматыцы .

Аб'ектамі прафесійнай дзейнасці дыпламаванага спецыяліста з кваліфікацыяй "Спецыяліст мытнай справы" з'яўляюцца:

• кантроль над выкананнем заканадаўства ў галіне мытнай справы», знешнеэканамічнай дзейнасцю, падаткаабкладання, валютнага рэгулявання;
• своечасовае поўнае ўнясенне ў дзяржаўны бюджэт мытных і іншых плацяжоў;
• распрацоўка і прыняцце мер па папярэджанні і спыненні правапарушэнняў у знешнеэканамічнай сферы і мытнай дзейнасці;
• знешнеэканамічная дзейнасць суб'ектаў гаспадарання;
• навуковая дзейнасць у сферы эканамічнай бяспекі, знешнеэканамічнай дзейнасці, мытных праваадносін.

Першы выпуск зроблены ў 2008 годзе.

З 2008 года ажыццяўляецца падрыхтоўка спецыялістаў па другой ступені вышэйшай адукацыі (магістратура).

У 2012 годзе была адкрыта практыка-арыентаваная магістратура па спецыяльнасці 1-26 81 02 "Інавацыйны менеджмент" . Апошні выпуск магістрантаў па спецыяльнасці 1-26 81 02 "Інавацыйны менедмжэнт" адбыўся ў чэрвені 2020 г.

У 2019 годзе была адкрыта навуковая магістратура па спецыяльнасці  "Менеджмент" , прафілізацыя " Інавацыйны менеджмент ". Кваліфікацыя выпускніка магістратуры Магістр . Тэрмін навучання: дзённае - 1 год, завочнае - 1,5 года.

Уступныя іспыты праводзяцца па наступных дысцыплінах: " Менеджмент ", " Эканоміка арганізацыі (прадпрыемства) ".