Рэспубліка Беларусь, 220013, г. Мінск, пр. Незалежнасці 65/2, нав. корп. 2, а. 332
+375 (17) 379-65-52
epp@bntu.by
Ускладненне сістэмы электразабеспячэння і будаўніцтва новых прадпрыемстваў у рэспубліцы, іх аснашчэнне складаным электраабсталяваннем, укараненне новых электратэхналогій, арганізацыя на прадпрыемствах аддзелаў галоўнага энергетыка запатрабавалі падрыхтоўкі інжынерных кадраў адпаведнай спецыяльнасці. У сувязі з гэтым у 1951г. на факультэце адкрываецца новая спецыяльнасць "Электрыфікацыя прамысловых прадпрыемстваў". У 1970 г. ствараецца выпускаючая кафедра "Электразабеспячэнне прамысловых прадпрыемстваў, гарадоў і сельскай гаспадаркі", каб рыхтаваць інжынераў-электрыкаў для працы галоўным чынам на прамысловых прадпрыемствах. Праз некаторы час кафедра атрымлівае найменне "Электразабеспячэнне". Вялікае запатрабаванне народнай гаспадаркі ў інжынерах-энергетыках спецыяльнасці «Электразабеспячэнне» абумовіла значны выпуск спецыялістаў за гады працы кафедры. Штогод кафедра выпускае каля 150 спецыялістаў па дзённай і завочнай формах навучання. Больш за 400 замежных грамадзян з усходне-еўрапейскіх краін (Польшчы, Чэхіі, Славакіі, ГДР), Азіі, Цэнтральнай і Паўднёвай Амерыкі, Афрыкі прайшлі інжынерную падрыхтоўку на кафедры. У мэтах актывізацыі пазнавальнай цікавасці значная ўвага надаецца арганізацыі індывідуальнай работы са студэнтам. У рамках навучальных заняткаў формамі такой работы з'яўляюцца індывідуальныя заданні, падрыхтоўка дакладаў і навуковых паведамленняў. Студэнты прымаюць актыўны ўдзел у штогадовых навукова-тэхнічных канферэнцыях і ўдзельнічаюць у Рэспубліканскім конкурсе студэнцкіх навукова-даследчых работ, пры гэтым кафедральныя студэнцкія работы, як правіла, узнагароджваюцца дыпломамі рознай ступені.