Аўтатрактарны факультэт (АТФ) - самы буйны і прэстыжны факультэт Беларускага нацыянальнага тэхнічнага ўніверсітэта. Сёння АТФ - гэта цэнтр падрыхтоўкі як спецыялістаў для аўтатрактарнай прамысловасці Рэспублікі Беларусь, так і навуковых работнікаў і выкладчыцкіх кадраў па многіх напрамках народнай гаспадаркі ў краіне і за яе межамі. За 70 гадовую гісторыю свайго існавання факультэт увесь час развіваецца. У першыя гады ён рыхтаваў інжынераў па чатырох спецыяльнасцях: аўтамабільным транспарце, аўтамабілебудаванні, трактарабудаванні і механізацыі сельскагаспадарчай вытворчасці.
Цяпер на факультэце вядзецца падрыхтоўка па 15 спецыяльнасцях дзённай і 8 завочнай форм навучання. На факультэце навучаюцца больш за 3000 студэнтаў па дзённай форме атрымання адукацыі і больш за 1700-па завочнай.
На АТФ працуюць каля 300 працаўнікоў. Педагагічны калектыў - больш за 160 чалавек, з іх звыш 20 дактароў навук, прафесараў, 80 кандыдатаў навук, дацэнтаў.
Факультэт мае сучасную матэрыяльна-тэхнічную базу для якаснай падрыхтоўкі спецыялістаў - гэта камп'ютарызаваныя дыягнастычныя і выпрабавальныя стэнды, прыборы і абсталяванне, лекцыйныя аўдыторыі і лабараторыі, аснашчаныя мультымедыйнай тэхнікай, вылічальны цэнтр і камп'ютарныя класы кафедр і навуковых лабараторый, аб'яднаныя ў лакальную вылічальную. выхадам у Internet.
На прамысловых, аўтатранспартных прадпрыемствах, у канструктарскіх бюро, навучальных установах не толькі РБ, але і больш за 70 замежных краін працуюць тысячы выпускнікоў аўтатрактарнага факультэта. Яны ствараюць новыя аўтамабілі, трактары, спецыяльныя машыны, абсталяванне, абслугоўваюць іх, кіруюць вытворчасцю, арганізоўваюць дарожны рух і аўтамабільныя перавозкі. Выпускнікі нашага факультэта ўсюды паказваюць глыбокія веды сваёй справы, з'яўляюцца прыкладам у працы і дысцыпліне, навучаюць і выхоўваюць тэхнічныя кадры.
Студэнты маюць магчымасць атрымаць ваенную спецыяльнасць і вадзіцельскае пасведчанне на кіраванне аўтамабілямі катэгорыі "В" ("С"). Лепшыя выпускнікі маюць магчымасць прадоўжыць адукацыю ў магістратуры і аспірантуры.
