Кафедра : Рухавікі ўнутранага згарання

У Рэспубліцы Беларусь ёсць самастойная галіна машынабудавання - рухавікабудаванне, і яно цяпер інтэнсіўна развіваецца. Каля 60 прадпрыемстваў Рэспублікі занята вытворчасцю рухавікоў, камплектуючых вузлоў і дэталей для іх. Значна пашыраецца наменклатура і тыпаж выпусканых рухавікоў. Кафедра вядзе падрыхтоўку спецыялістаў у цесным супрацоўніцтве з Мінскім маторным заводам, Гомельскім заводам пускавых рухавікоў, аўтатрактарнымі прадпрыемствамі Рэспублікі. Кафедра "Рухавікі ўнутранага згарання" была створана ў 1961г. на аўтатрактарным факультэце Беларускага політэхнічнага інстытута для падрыхтоўкі інжынераў-механікаў па спецыяльнасці "Рухавікі ўнутранага згарання". Ініцыятарам стварэння кафедры і першым яе загадчыкам з'яўляўся лаўрэат Дзяржаўнай прэміі СССР, заслужаны работнік вышэйшай школы, прафесар Кокін Георгій Міхайлавіч, у мінулым галоўны канструктар Яраслаўскага і Мінскага аўтазаводаў. Георгій Міхайлавіч прымаў удзел у распрацоўцы першага айчыннага дызельнага рухавіка для грузавых аўтамабіляў. На кафедры шмат увагі надаецца абнаўленню метадаў навучання студэнтаў і забеспячэнню практычнага значэння работ, якія выконваюцца студэнтамі, умацаванню матэрыяльнай базы кафедры і развіццю навуковых даследаванняў. Найважнейшыя навуковыя дасягненні кафедры звязаны з развіццём тэорыі і распрацоўкай напрамкаў удасканалення рабочага працэсу і сістэм аўтатрактарных рухавікоў. Гэтыя работы выконваюцца ў рамках Дзяржаўных навуковых праграм і па заказах прадпрыемстваў. За час існавання кафедры падрыхтавана больш за 1700 інжынераў-механікаў па спецыяльнасцях "Рухавікі ўнутранага згарання" і "Тэхнічная эксплуатацыя лятальных апаратаў і рухавікоў", абаронена 2 доктарскія і 13 кандыдацкіх дысертацый, 5 з якіх замежнікамі. Выкладчыкі кафедры праводзяць вялікую работу па падрыхтоўцы вучэбна-метадычнай дакументацыі па спецыяльнасці - апублікавана больш за 700 навучальных і вучэбна-метадычных дапаможнікаў, у тым ліку 4 падручнікі, 6 навучальных дапаможнікаў і 7 метадычных комплексаў.