У БНТУ праводзіцца актыўная работа па эстэтычным выхаванні студэнтаў. Асноўныя мерапрыемствы накіраваны на развіццё творчай актыўнасці, падтрымку талентаў сярод моладзі і фарміраванне грамадзянскай адказнасці.
Студэнты пастаянна наведваюць культурныя аб'екты, музеі, выставы творчых работ, што спрыяе фарміраванню мастацкага густу і пашырэнню кругагляду навучэнцаў. Літаратурныя вечары, конкурсы паэзіі і фатаграфіі накіраваны на раскрыццё творчых здольнасцяў студэнтаў і іх уключэнню ў актыўнае культурнае жыццё універсітэта.
Сярод значных мерапрыемстваў варта адзначыць арганізацыю і правядзенне Упраўленнем па справах культуры штогадовага міжвузаўскага конкурсу студэнцкіх фільмаў «Відэарадыус БНТУ», які стаў пляцоўкай для дэманстрацыі арыгінальных ідэй і духоўнага зместу твораў студэнтаў устаноў вышэйшай адукацыі.
Акрамя таго, студэнты БНТУ прымаюць актыўны ўдзел у штогадовым агульнаўніверсітэцкім конкурсе-выставе фатаграфій «імгненне жыцця Майго», які праводзіцца Цэнтрам ідэалагічнай работы і па справах моладзі. Фатаграфіі, выкананыя ў індывідуальных аўтарскіх стылях і разнастайных жанрах можна ўбачыць на выставачнай экспазіцыі «імгненне жыцця майго» ў холе 3 і 4 паверхаў галоўнага корпуса БНТУ. Гэтая выстава з'яўляецца сапраўдным упрыгожваннем універсітэта.
Асаблівая ўвага надаецца папулярызацыі гістарычнай і культурнай спадчыны Беларусі, развіццю цікавасці да народнага мастацтва і традыцый. Правядзенне мерапрыемстваў па гэтым напрамку дазваляюць студэнтам глыбей пазнаёміцца з багаццем нацыянальнай культуры і ўсвядоміць сваю ролю ў захаванні і развіцці традыцыйных каштоўнасцяў.
У 2025 годзе ў БНТУ адкрылася выстава, прысвечаная генацыду беларускага народа ў гады Вялікай Айчыннай вайны і пасляваенны перыяд.
Генацыд беларускага народа ў гады Вялікай Айчыннай вайны і пасляваенны перыяд
Такім чынам, арганізацыя работы па эстэтычным выхаванні ў БНТУ, нацэлена на ўсебаковае развіццё асобы студэнта, яго інтэлектуальнае і эмацыянальнае ўзбагачэнне, а таксама падрыхтоўку адукаваных і сацыяльна актыўных членаў грамадства.
